23:08, 01 - اقپان 2023 | GMT +5
ەلىمىزدە ينتەللەكتۋالدى قوعامدى دامىتۋ جاعدايلارى قۋانتادى - ءبيبىسارا اساۋبايەۆا
استانا. قازاقپارات - پرەزيدەنت قاسىم- جومارت توقايەۆ قازاقستاندىق شاحماتشى، بليتستەن الەم چەمپيونى ءبيبىسارا اساۋبايەۆانى جەكە قابىلداپ، جەڭىسىمەن قۇتتىقتادى، دەپ حابارلايدى قازاقپارات.
«بۇگىن مەملەكەت باسشىسىنىڭ قابىلداۋىندا بولدىق. قاسىم-جومارت توقايەۆ جەڭىسىممەن جەكە قۇتتىقتاپ، الداعى سپورتتىق جارىستاردا تابىس تىلەدى. ەلىمىزدە بارلىق سالادا ينتەللەكتۋالدى قوعامدى دامىتۋعا باسا نازار اۋدارۋ جاعدايلارى قۋانتادى. شاحماتتان الەمدەگى ەڭ جاس چەمپيون رەتىندە ينتەللەكتۋالدى سپورتتى دامىتۋعا ءوز ۇلەسىمدى قوسامىن»، - دەپ جازدى ءبيبىسارا اساۋبايەۆا Instagtam پاراقشاسىندا.
سونداي-اق شاحماتتان جاس چەمپيون پرەزيدەنتكە قۇرمەت پەن سەنىمى ءۇشىن العىسىن ايتتى.
ەسكە سالايىق، قازاقستاندىق شاحماتشى ءبيبىسارا اساۋبايەۆا بليتستەن الەم چەمپيونى اتانعان ەدى.
