قازاقستان - تۇركياعا مۇناي ونىمدەرىن جەتكىزۋدەن كوشباسشىلار تىزىمىندە

انكارا. قازاقپارات - قازاقستان مۇناي ءوندىرۋ جانە مۇناي وڭدەۋ سالاسىندا تۇركيانىڭ ەكسپورتشىلارى اراسىندا كوشباسشىلار قاتارىندا تۇر، دەپ حابارلايدى قازاقپارات مەنشىكتى ءتىلشىسى.

وتكەن جىلى تۇركيانىڭ مۇناي مەن مۇناي ونىمدەرىنىڭ نەگىزگى ەكسپورتتاۋشىسى رەسەي 2 ميلليون 516 مىڭ توننا جەتكىزگەن. ودان كەيىن يراك - 500 مىڭ 908 توننا. قازاقستان 266 مىڭ 713 توننا ەكسپورت كورسەتكىشىمەن العاشقى ۇشتىكتى تۇيىقتاعان.

تۇركيانىڭ ەنەرگەتيكالىق نارىقتى رەتتەۋ باسقارماسىنىڭ دەرەكتەرىنە سايكەس، 2022 -جىلعى قاراشادا ەلگە مۇناي جانە مۇناي ونىمدەرى يمپورتىنىڭ جالپى كولەمى 3 ميلليون 967 مىڭ 559 تونناعا دەيىن قىسقاردى. بۇل كورسەتكىش 2021 -جىلمەن سالىستىرعاندا % 7,4- عا از.

ديزەل وتىنىن ساتىپ الۋ % 3- عا (919 097 تونناعا دەيىن) قىسقارعان. تۇركيا يمپورتىنىڭ قالعان بولىگىن اۆياتسيالىق جانە كەمە وتىنى، بەنزين، مازۋت جانە باسقا دا مۇناي وڭدەۋ ونىمدەرى قۇرايدى.

سونىمەن قاتار وتكەن جىلدىڭ قاراشا ايىندا ەلدە بەنزين ساتىلىمى وتكەن جىلدىڭ وسى ايىمەن سالىستىرعاندا % 10,3- عا (253 921 تونناعا دەيىن) ، ال ديزەل وتىنى - % 9,5- عا (2 ميلليون 46 مىڭ 988 تونناعا دەيىن) قىسقارعان.

جالپى مۇناي ونىمدەرىن ساتۋ كولەمى % 8- عا تومەندەپ، 2 ميلليون 449 مىڭ 71 توننا بولدى.

اۆتور

اقبوپە ءابدراسۋل