ەڭ ءبىرىنشى قارتاياتىن دەنە مۇشەلەرى

استانا. قازاقپارات - قارتايۋ پروتسەسىنەن ەشكىم قاشىپ قۇتىلا المايدى. دەسە دە، وزىمىزگە كۇتىم جاساۋ ارقىلى بۇل پروتسەستى باياۋلاتۋعا بولادى.

ءبىز ادەتتە بەت-الپەت كۇتىمىنە نەمەسە دەنە سىمباتتىلىعىنا اسا ءمان بەرەمىز. الايدا جىلدام قارتاياتىن دەنە مۇشەلەرى بار. ولاردىڭ الدىن الۋ ءۇشىن نە ىستەۋ كەرەك؟

مويىن مەن كەۋدە تۇسى

ءبىرىنشى كەزەكتە مويىن مەن كەۋدە تۇسى تەرىسى قارتايادى. بۇل كوپشىلىك ءۇشىن ءالسىز جەر، سەبەبى مويىندى، اسىرەسە، جىلى مەرزىمدە جاسىرۋ قيىن. جاس ۇلعايا كەلە مويىن مايلى قاباتتى از جينايدى. ال كەۋدە تۇسى اگرەسسيۆتى كۇن ساۋلەسىنە، كۇيزەلىسكە جانە زياندى ادەتتەرگە اسەر بەرەدى. ەگەر بۇل ەڭ نازىك دەنە بولىكتەرىنە كۇتىم جاساماسا، جاس ۇلعايا كەلە ول جەرلەردەگى تەرى سوزىلىپ، ءاجىم پايدا بولادى.

نە ىستەۋ كەرەك؟

بۇل جاعىمسىز سالداردىڭ الدىن الۋ ءۇشىن مويىنعا كۇتىمدى 35 جاستان باستاۋ كەرەك. مويىنعا كۇتىمدى بەتكە سەكىلدى جاساۋ كەرەك: تازارتۋ، ىلعالداندىرۋ، قورەكتەندىرۋ. قورەكتىك كرەمدەر، ماسساج، دارۋمەندەر، كۇننەن قورعاۋ - بۇلار مويىن تەرىسى جاستىعىنا قاجەت نارسەلەر.

قول

قول - ادام دەنەسىندەگى ەڭ ەڭبەكقور دەنە مۇشەسى. ءبىز ونى وتە ءجيى قولدانامىز. قول تەرىسى جاس ۇلعايا كەلە قابىرشاقتانادى، قۇرعايدى جانە ءاجىم پايدا بولادى. ايەلدەردىڭ كوپشىلىگى قول كۇتىمىنە اسا ءمان بەرمەي، اراسىندا عانا كرەم جاعادى. الايدا ايەلدىڭ كۇتىمسىز قولى ونى ۇلكەيتىپ كورسەتەدى.

نە ىستەۋ كەرەك؟

بازالىق كۇتىمنەن باستاڭىز - جۇيەلى تۇردە ىلعالداندىرۋ جانە قورەكتەندىرۋ. بۇل ماقساتتا ءزايتۇن مايى مەن گليتسەريندى قولدانۋعا بولادى. سونداي-اق قول جاستىعىن ساقتاۋ ءۇشىن قولعا جانە ساۋساقتارعا جاتتىعۋ جاساۋ كەرەك. جوعارعى تەرى قاباتىن جاڭارتۋ ءۇشىن پيلينگ جاساۋ كەرەك، ءبىراق بۇل پروتسەدۋرانى ءجيى جاساۋ ۇسىنىلمايدى. ءارقاشان وزىڭىزبەن بىرگە قولعا ارنالعان ىلعالداندىرۋشى كرەم ءجۇرۋ كەرەك.

تىزە

ءبىزدىڭ اياعىمىزعا، اسىرەسە تىزەگە ءومىر بويى جۇكتەمە تۇسەدى. وعان قوسا، تىزەنىڭ تەرىسى نازىك. جاس ۇلعايا كەلە تىزەدە كوپتەگەن تارتىمسىز ء اجىم پايدا بولادى، ال بۇل جەردىڭ تەرىسى سوزىلىپ كەتەدى.

نە ىستەۋ كەرەك؟

ادەمى تىزە تەك ساۋ اياقتا بولادى. ۆاريكوزدىق تۇيىندەر، مايتابان جانە ومىرتقا پروبلەماسى اياق تەرىسىنىڭ قورەكتەنۋىن بۇزادى جانە تىزە بۋىندارىنىڭ وزگەرىسكە ۇشىراۋىنا اكەلەدى. سوندىقتان 5-6 س م- دەن بيىك اياق كيىم كيمەۋگە تىرىسىڭىز. ىڭعايلى اياق كيىم، ۇزاق جاياۋ سەرۋەندەۋ، وتىرىڭقى جۇمىس كەزىندە جاتتىعۋ جاساۋ، بوساڭسىتاتىن ماسساج - تىزە جاستىعىنىڭ كەپىلى. تىزەگە كرەم جاعىپ تۇرىڭىز جانە قۇرامىندا كالتسيى بار ونىمدەر جەڭىز.

massaget.kz