19:20, 31 - قاڭتار 2023 | GMT +6
مەرەكە نۇرمۇحانوۆا وقۋ-اعارتۋ مينيسترلىگىنىڭ باسپا ءسوز حاتشىسى بولدى
استانا. قازاقپارات – ق ر وقۋ-اعارتۋ مينيسترلىگىنىڭ باسپا ءسوز حاتشىسى بولىپ مەرەكە نۇرمۇحانوۆا تاعايىندالدى، دەپ حابارلايدى قازاقپارات ۆەدومستۆونىڭ باسپا ءسوز قىزمەتىنە سىلتەمە جاساپ.
مەرەكە نۇرمۇحانوۆا 2015-جىلى ل. ن. گۋميليەۆ اتىنداعى ەۋرازيا ۇلتتىق ۋنيۆەرسيتەتىن «جۋرناليستيكا» ماماندىعى بويىنشا اياقتاعان.
ەڭبەك جولىن رەسپۋبليكالىق جۋرنالدىڭ ءتىلشىسى بولىپ باستادى. ءار جىلدارى «قازاقستان» ر ت ر ك ا ق اقتوبە وبلىستىق فيليالىنىڭ اقپارات بولىمىندە رەداكتور- جۇرگىزۋشى، «جەتىنشى» رەسپۋبليكالىق تەلەارناسىندا ارنايى ءتىلشى بولىپ جۇمىس ىستەدى.
2023-جىلدىڭ قاڭتار ايىنا دەيىن پاۆلودار وبلىسى اكىمىنىڭ باسپا ءسوز قىزمەتىنىڭ باسشىسى - باسپا ءسوز حاتشىسى بولدى.
