ەلوردادا ەسكى جانە اپاتتى جاعدايدا تۇرعان ۇيلەردى ءسۇرىپ تاستاۋعا قاتىستى جۇمىس توقتاپ قالدى
بۇل تۋرالى مەملەكەت باسشىسى قاسىم- جومارت توقايەۆتىڭ توراعالىعىمەن ەلوردانى دامىتۋ ماسەلەلەرى جونىندەگى كەڭەس ايتتى، دەپ حابارلايدىتس اقوردا.
«سوڭعى كەزدە ەسكى جانە اپاتتى جاعدايدا تۇرعان ۇيلەردى ءسۇرىپ تاستاۋعا قاتىستى جۇمىس توقتاپ قالدى. ونىڭ ورنىنا بەرىلەتىن جاڭا باسپانا سانى 70 پايىزعا ازايىپ كەتتى. قازىر استاناداعى 200 ءۇي تۇرۋعا جارامسىز. قالانىڭ اسان قايعى كوشەسىن جاڭارتۋ باعدارلاماسى بار. ءبىراق 5 جىلدىڭ ىشىندە وسى كوشەدەگى ەسكى ۇيلەردىڭ نەبارى 14 پايىزى عانا بۇزىلعان. جۇرت عيماراتتاردىڭ تىعىز سالىنىپ جاتقانىنا نارازى. قۇرىلىسى توقتاپ تۇرعان ۇيلەر ءالى دە بار. ۇلەسكەرلەردىڭ شاعىمى دا كوپ. كەيبىر تۇرعىن ۇيلەرگە ورتالىقتان جىلۋ بەرۋ ماسەلەسى شەشىلمەگەن. سونىڭ كەسىرىنەن ادامدار دايىن تۇرعان باسپاناسىنا كوشە الماي وتىر. سونداي- اق 360 استام ۇيگە كۇردەلى جوندەۋ جۇمىستارىن جۇرگىزۋ كەرەك. ولاردى جاڭعىرتۋ جوسپارىن ازىرلەۋ قاجەت»، - دەدى مەملەكەت باسشىسى جيىندا.
