14:56, 31 - قاڭتار 2023 | GMT +5
باسپا ءسوز كارتاسى جۋرناليستى بلوگەردەن اجىراتۋ ءۇشىن بەرىلەدى - دارحان قىدىرالى
استانا. قازاقپارات - اقپارات جانە قوعامدىق دامۋ ءمينيسترى دارحان قىدىرالى ۇكىمەت وتىرىسىنان كەيىن ب ا ق وكىلدەرىنە «باسپا ءسوز كارتاسى» مەحانيزمىن ەنگىزۋ نە ءۇشىن كوزدەلىپ وتىرعانىن ايتتى، دەپ حابارلايدى قازاقپارات ءتىلشىسى.
«ماسس مەديا تۋرالى زاڭ جوباسىندا جۋرناليستىڭ مارتەبەسىن ايقىنداۋ كوزدەلىپ وتىر. باسپا ءسوز كارتاسى سول جۋرناليستىڭ ستاتۋسىن ايقىنداۋ ءۇشىن، جالپى جۋرناليست پەن بلوگەردى اجىراتۋ ءۇشىن بەرىلەدى. بۇل جاڭاشىلدىق ەۋرووداقتىڭ ءبىراز مەملەكەتتەرىندە، مىسالى تۇركيادا ءبىراز جىلدان بەرى كەڭىنەن قولدانىلادى»، - دەدى مينيستر.
ول پرەسس-كارت شەتەلدىڭ تاجىريبەسىنەن الىنعان مەحانيزم ەكەنىن ەسكە سالدى.
«سونىمەن قاتار ونى بەرۋ مەحانيزمىن دە قاراستىرىپ جاتىرمىز. بۇل نەگىزى جۋرناليستەردىڭ ءوزىن-ءوزى رەتتەۋ مەحانيزمى بويىنشا ارنايى كوميسسيا ارقىلى رەتتەلەدى دەگەن ويدامىز. ول كارتانى مينيسترلىك بەرمەيدى، وزدەرىڭىز سياقتى جالپى جۋرناليستەر قاۋىمداستىعى تاراپىنان قۇرىلاتىن كوميسسيا ارقىلى شەشىلەدى»، - دەدى دارحان ءقىدىرالى.
فوتو: primeminister.kz
