قازاقستاندىق تانىمال جۋرناليستى قاماۋدا ۇستاۋ مەرزىمى ۇزاردى

استانا. قازاقپارات - جۋرناليست ميحايل كوزاچكوۆتى قاماۋدا ۇستاۋ مەرزىمى 18- ناۋرىزعا دەيىن ۇزاردى، - دەپ حابارلايدى Massaget.kz ءتىلشىسى الماتىنىڭ قالالىق سوتىنا سىلتەمە جاساپ.

«الماتىنىڭ مامانداندىرىلعان اۋدانارالىق تەرگەۋ سوتىنىڭ مالىمەتىنشە، 2023-جىلعى 30- قاڭتاردا سوت قاۋلىسىمەن سوتالدى تەرگەۋ ورگانىنىڭ ءوتىنىشحاتى قاناعاتتاندىرىلدى جانە ك. -عا قاتىستى قاماۋدا ۇستاۋ مەرزىمىن ءۇش ايعا دەيىن، ياعني 2023-جىلعى 18- ناۋرىزعا دەيىن ۇزارتۋعا سانكسيا بەرىلدى»، - دەلىنگەن حابارلامادا.

ەسكە سالايىق، قازاقستاندىق جۋرناليست ميحايل كوزاچكوۆ 2022 -جىلى 18- جەلتوقساندا قاماۋعا الىنعان بولاتىن.

ول قوسپايەۆتىڭ ۇيىمداسقان قىلمىستىق توبىنا رەيدەرلىك باسىپ الۋلار جاساۋعا كومەكتەسكەن دەگەن كۇدىككە ىلىنگەن.