شەتەلدىك كولىكتى زاڭداستىرۋ نەلىكتەن اۋدان ورتالىقتارىندا جۇرگىزىلمەيدى

شەتەلدە ساتىپ الىنعان، ءبىراق تىركەۋدەن شىعارىلماعان كولىكتەرگە قازاقستاندىق قۇجات الۋ ءۇشىن مىندەتتى تۇردە وبلىس ورتالىعى - پەتروپاۆل قالاسىنا بارۋ قاجەت.
«ازاماتتارعا ارنالعان ۇكىمەت» مەملەكەتتىك كورپوراتسياسى» كوممەرتسيالىق ەمەس ا ق س ق و فيليالىنىڭ مالىمەتىنشە، اۋدان تۇرعىندارى eGov.kz ارقىلى اۆتوموبيلگە قاتىستى مالىمەتتەردى تەكسەرۋگە ءوتىنىش قالدىرا الادى. ول ءۇشىن وبلىس ورتالىعىنا كەلۋدىڭ قاجەتى جوق. وڭ جاۋاپ العاننان كەيىن عانا مامانداندىرىلعان حالىققا قىزمەت كورسەتۋ ورتالىعىنا الدىن الا جازىلۋ ارقىلى، زاڭداستىرۋ راسىمىنەن ءوتۋ ءۇشىن كەلەدى. تەك وسىدان كەيىن ح ق ك و- دا تەحپاسپورتپەن اگرەگاتتار تەكسەرىلىپ، كولىك زاڭداستىرۋدان وتەدى»، - دەيدى «ازاماتتارعا ارنالعان ۇكىمەت» س ق و فيليالىنىڭ باسپا ءسوز حاتشىسى انار قۇسانوۆا.
س ق و پوليتسيا دەپارتامەنتىنىڭ باسپا ءسوز قىزمەتى دە وسى ماسەلەگە قاتىستى تۇسىنىك بەردى.
«مامانداندىرىلعان حالىققا قىزمەت كورسەتۋ ورتالىعىنىڭ ارنايى انگارى بار. ول جەرگە بەينەكامەرالار قويىلعان، ياعني اۆتوكولىكتى تەكسەرۋ پروتسەسى باستان-اياق جازىلادى. جازبا ساقتالادى. سونداي-اق كولىكتى رۇقسات قۇجاتى بار ارنايى ماماندار عانا تەكسەرە الادى. ال اۋدانداردا ونداي مۇمكىندىك جوق. سوندىقتان وبلىس ورتالىعىنا كەلىپ قانا كولىكتى تولىق زاڭداستىرۋ راسىمىنەن وتكىزۋگە بولادى»، - دەيدى ءتارتىپ ساقشىلارى.
شەتەلدە تىركەلگەن كولىكتەردى قازاقستاندا زاڭداستىرۋدىڭ بىررەتتىك اكسياسى باستالعالى س ق و- دا 809 ادام ءوتىنىش بەرگەن. سونىڭ 291 ءى قازاقستاندىق ءنومىر الدى.
قازىرگى ۋاقىتتا پەتروپاۆلداعى مامانداندىرىلعان حالىققا قىزمەت كورسەتۋ ورتالىعىندا جۇمىس قالىپتى جاعدايدا جۇرگىزىلىپ جاتىر.
بۇعان دەيىن س ق و- دا، پوليتسەيلەردىڭ ەسەبى بويىنشا، 7 مىڭنان استام كولىكتىڭ زاڭداستىرۋ راسىمىنەن ءوتۋى ءتيىس ەكەنىن ايتقان ەدىك.