الماتىنى ناۋرىز مەيرامىنا وراي بەزەندىرۋگە كونكۋرس جاريالاندى
اكىمدىك مالىمەتىنشە، بايقاۋعا قاتىسۋ ءۇشىن قالانى بيلبوردتارمەن بەزەندىرۋدىڭ ەرەكشە كونتسەپتسياسىن جاساپ، ونى البوم تۇرىندە ۇسىنۋ قاجەت.
«وتىنىمدەردى قابىلداۋ 31- قاڭتاردان باستالىپ، 20- اقپانعا دەيىن جالعاسادى. ۇزدىك جۇمىستى 21- اقپاندا ديزاينەرلەر وداعىنىڭ، سۋرەتشىلەر وداعىنىڭ، الماتى قالاسى جوسپارلاۋ جانە ۋربانيستيكا باسقارماسىنىڭ، سونداي-اق الماتى قالاسى مادەنيەت باسقارماسىنىڭ وكىلدەرى كىرەتىن جۇمىس كوميسسياسىنىڭ مۇشەلەرى تاڭدايدى.
بايقاۋ ناتيجەلەرى الماتى قالاسى مادەنيەت باسقارماسىنىڭ رەسمي سايتىندا جاريالانادى.
ەڭ ۇزدىك ديزاين قالانىڭ جارناما الاڭدارىندا ورنالاستىرىلادى»، - دەپ حابارلادى اكىمدىكتىڭ باسپا ءسوز قىزمەتىنەن.
ايتا كەتەيىك، ءبىرىنشى ورىن ءۇشىن جۇلدە قورى - 1 ميلليون تەڭگە، ەكىنشى ورىن العاندار - 500000 تەڭگە، ءۇشىنشى ورىنعا لايىقتالعاندار 300000 تەڭگە الادى.
ۇسىنىستار البوم تۇرىندە almatymadeniet02@gmail.com ەلەكتروندىق پوشتاسىنا قابىلدانادى.
