ماجىلىسكە از ماندات الساق، دەپۋتات بولۋدان باس تارتامىن - ەرمۇحامەت ەرتىسبايەۆ

استانا. قازاقپارات - ماجىلىسكە از ماندات الساق، دەپۋتات بولۋدان باس تارتامىن. بۇل تۋرالى قازاقستان حالىق پارتياسىنىڭ ءتوراعاسى ەرمۇحامەت ەرتىسبايەۆ ايتتى، دەپ حابارلايدى قازاقپارات ءتىلشىسى.

«كوپتەگەن جۋرناليست، پارتيالاستارىم «ماجىلىسكە باراسىز با؟» دەپ ساۋال قويىپ ءجۇر. شىنىمدى ايتايىن، ەگەر ءبىز 35-40 دەپۋتات ورنىن جەڭىپ الار بولساق، وندا، ارينە، يدەيالارىمىز، باعدارلامالارىمىز، وسىناۋ مىنبەردەن ايتىلعان بارلىق دۇنيەمىز قىسقا عانا ۋاقىتتىڭ ىشىندە جۇزەگە اسۋى ءۇشىن - بارامىن»، - دەدى ەرمۇحامەت ەرتىسبايەۆ قازاقستان حالىق پارتياسىنىڭ كەزەكتەن تىس ХХІІІ سەزىندە.

سونىمەن قاتار ول ساياسي ناۋقاندا ءتۇرلى جاعداي ورىن الۋى مۇمكىن ەكەندىگىنە نازار اۋدارتتى.

«ەگەر فراكسيا شاعىن، 10، 12، 15 ادامنان جاساقتالسا، وندا ورنىمدى تىزىمدەگى باسقا ادامعا بەرەمىن. ال ءوزىم پارتيامىزدى قالىپتاستىرۋ جانە دامىتۋمەن اينالىسامىن. قالعان ءومىرىمدى ەلىمىزدە مىقتى الەۋمەتتىك-دەموكراتيالىق حالىق پارتياسىنىڭ بولۋىنا ارناعىم كەلەدى»، - دەدى ول.