16:50, 30 - قاڭتار 2023 | GMT +5
مينيسترلىك ب ا ءا- دە قۇتقارىلعان قىزدار تۋرالى: ولار وزدەرىنىڭ جاعدايىن حابارلامايدى
استانا. قازاقپارات – ق ر سىرتقى ىستەر مينيسترلىگىنىڭ رەسمي وكىلى ايبەك سمادياروۆ بىرىككەن اراب امىرلىكتەرىندە قيىن جاعدايعا تاپ بولىپ، قۇتقارىلعان قازاقستاندىقتار تۋرالى ايتتى، دەپ حابارلايدى قازاقپارات ءتىلشىسى.
«قازاقستان ازاماتتارى قيىن جاعدايعا تاپ بولاتىن نەمەسە قارىز ەسەبىنەن ولاردان قۇجاتتارىن الىپ قوياتىن كەزدەر بولادى. مۇنى قۇلدىق دەپ ايتۋعا بولمايدى. ال قيىن جاعدايعا تۇسكەن ادام زارداپتاردان قورقادى. سوندىقتان وزدەرىنىڭ جاعدايىن حابارلاماي، ۇزاق ۋاقىت ءجۇرىپ قالادى. ءبىز مۇنداي ادامداردى قۇتقاردىق. ولار نەگىزىنەن قىزدار»، - دەدى ايبەك سمادياروۆ.
ونىڭ ايتۋىنشا، ب ا ءا- دە قازاقستاندىقتاردىڭ قۇلدىقتا بولعانى تۋرالى فاكتىلەرى تىركەلمەگەن.
وسى ايدىڭ باسىندا اقشا تابۋ ءۇشىن وڭتۇستىك-شىعىس ازياداعا اتتانىپ، ەڭبەك قۇلدىعىنا تاپ بولعان ەكى قازاقستاندىق ازامات تۋرالى ءمالىم بولدى.
كەيىن، 23- قاڭتاردا اتالعان ەكى قازاقستان ازاماتى ميانمادان تابىلىپ، قۇلدىقتان بوساپ شىعىپ، ەلگە جەتكىزىلدى.
