بانكروتتىق ءراسىمىن قولدانا الاتىن يپوتەكاسى بار ادامداردىڭ سانى بەلگىلى بولدى

استانا. قازاقپارات - قارجى نارىعىن رەتتەۋ جانە دامىتۋ اگەنتتىگى ءتوراعاسىنىڭ ءبىرىنشى ورىنباسارى نۇرلان ءابدىراحمانوۆ بانكروتتىق ءراسىمىن قولدانا الاتىن يپوتەكاسى بار ادامدار تۋرالى ايتتى، دەپ حابارلايدى قازاقپارات ءتىلشىسى.

«بانكروتتىق ءراسىمىن پايدالانا الاتىن يپوتەكالىق قارىز الۋشىلاردىڭ سانى شامامەن 6,5 مىڭ ادامعا جەتىپ وتىر. قازىرگى ۋاقىتتا بارلىق يپوتەكالىق نەسيە پورتفەلى شامامەن 4,7 تريلليون تەڭگەنى قۇراپ وتىر جانە 449 مىڭعا جۋىق قارىز الۋشى تىركەلدى»، - دەدى ن. ءابدىراحمانوۆ ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا.

ونىڭ ايتۋىنشا، باسپانانى ساقتاپ قالۋ ءۇشىن تۇرعىندارعا مەرزىمى وتكەن نەسيەنى قايتارۋعا مۇمكىندىك بەرەتىن سوتقا دەيىنگى رەتتەۋ ءتارتىبى قاراستىرىلعان.

«بۇل ءتارتىپ بىلتىر كۇشىنە ەنگەن ەدى. وعان سايكەس قارىز الۋشى تولەم مەرزىمى كەشىكتىرىلگەننەن كەيىن، 30 كۇن ىشىندە ءوتىنىش بەرەدى جانە بانك نەسيەنى قايتا قۇرىلىمداۋ تۋرالى ءوتىنىشتى 15 كۇن ىشىندە قاراۋى كەرەك. سونداي- اق، 2022 -جىلى يپوتەكالىق نەسيە الۋشىلاردىڭ قۇقىقتارى زاڭنامالىق تۇرعىدا كۇشەيتىلدى»، - دەدى ن. ءابدىرحامانوۆ.

«جالپى، اگەنتتىك الەۋمەتتىك جاعىنان وسال ساناتتاعى قارىز الۋشىلاردىڭ قۇقىقتارىن قورعاۋ بويىنشا قوسىمشا ارەكەتتەردى ىسكە اسىرىپ جاتىر. ولار ءۇشىن 2015 -جىلدان باستاپ يپوتەكانى قايتا قارجىلاندىرۋ باعدارلاماسى ەسكەرىلگەن. ونىڭ اياسىندا قازىردىڭ وزىندە 9,5 مىڭعا جۋىق ازاماتتىڭ قارىزى بويىنشا اۋىرتپالىعى جەڭىلدەدى. ءبىز بۇل باعدارلامانى بيىلعى شىلدە ايىنا دەيىن ۇزارتۋدى جوسپارلاپ وتىرمىز. بۇدان بولەك، الەۋمەتتىك تۇرعىدا وسال ساناتتاعى 967 مىڭعا جۋىق قارىز الۋشىعا قوسىمشا قارجىلاي قولداۋ جاساماقپىز»، - دەدى ول.

بۇدان بۇرىن حابارلانعانداي، قارىزى جابىلماعان ادامدار 2023 -جىلدىڭ 3-ناۋرىزىنان باستاپ بانكروتتىققا ءوتىنىش بەرە الادى.