اتىراۋ پوليتسەيلەرى ءدىني اعىم وكىلدەرىنەن ماريحۋانا تاركىلەدى

اتىراۋ. قازاقپارات - اتىراۋ پوليتسەيلەرى دەسترۋكتيۆتى ءدىني اعىم وكىلدەرىنەن ماريحۋانا تاركىلەدى، دەپ حابارلايدى قازاقپارات ءى ءى م- نە سىلتەمە جاساپ.

19- قاڭتار كۇنى ساعات 12:25 شاماسىندا اتىراۋ وبلىسى پوليتسيا دەپارتامەنتى ەكسترەميزمگە قارسى ءىس- قيمىل باسقارماسىنىڭ قىزمەتكەرلەرى جەدەل- پروفيلاكتيكالىق ءىس- شارا كەزىندە يسلام ءدىنىنىڭ دەستۋركتيۆتى اعىمىنىڭ راديكالدى باعىتىن ۇستانۋشىلاردى انىقتادى. سونداي- اق 1995 جانە 1996 -جىلدارى تۋعان بۇل ازاماتتاردان 1 قارا ءتۇستى پوليەتيلەن، 2 قويۋ جاسىل ءتۇستى قاعاز وراما تاركىلەندى.

«حيميالىق ەكسپەرتيزا قورىتىندىسى بويىنشا تاركىلەنگەن زاتتاردىڭ 186 گرام بولاتىن ماريحۋانا ەكەنى بەلگىلى بولدى.

اتالعان فاكتى بويىنشا ق ر ق ك- ءنىڭ 296-بابىنىڭ 2-بولىگى بويىنشا سوتقا دەيىنگى تەرگەۋ امالدارى جۇرگىزىلىپ جاتىر. وزگە اقپارات ق ر ق پ ك- ءنىڭ 201-بابىنا سايكەس جاريالانۋعا جاتپايدى»، - دەپ جازدى ۆەدومستۆودان.

فوتو: Stefan Puchner/Getty Images