قازاقستاندا اۋاسى ەڭ لاس قالالار انىقتالدى
مىسالى، استانادا اۋا اسىرەسە ايازدا ناشارلايدى. ول جەكە سەكتوردىڭ جىلۋ ەنەرگەتيكالىق كاسىپورىندارى مەن جىلىتۋ شىعارىندىلارىمەن بايلانىستى بولۋى مۇمكىن. قالانىڭ تىعىز كوشە قيىلىستارىندا اۋانىڭ ازوت ديوكسيدىمەن لاستانۋى اۆتوكولىكتەرمەن بايلانىستى.
بۇل قاراعاندىداعى جاعدايمەن ۇقساس: اۋانىڭ لاستانۋىنا جىلۋ ەنەرگەتيكاسى كاسىپورىندارىنىڭ جانە جەكە سەكتوردىڭ جىلىتۋ شىعارىندىلارى جانە ونەركاسىپتىك كاسىپورىنداردىڭ شىعارىندىلارى اسەر ەتەدى.
ال تەمىرتاۋدا لاستانۋ كەز كەلگەن ماۋسىمدا بولىپ تۇرادى، ول قالانىڭ ونەركاسىپتىك جانە مەتاللۋرگيالىق كاسىپورىندارى شىعارىندىلارىنىڭ، سونداي-اق قىس مەزگىلىندە جىلۋ ەنەرگەتيكاسى كاسىپورىندارى مەن جەكە سەكتوردىڭ جىلىتۋ شىعارىندىلارىنىڭ اسەرىمەن بايلانىستى.
ايتا كەتەيىك، قازگيدرومەتتىڭ مالىمەتىنشە، اتىراۋ وبلىسىنداعى ءىرى ەلدى مەكەندەر - قۇلسارى مەن اتىراۋ دا لاستانۋ دەڭگەيى تومەن ايماقتا ورنالاسقان.
