قازاق پروفەسسور الەمدەگى ەڭ بەدەلدى عالىمداردىڭ تىزىمىنە ەندى

استانا. قازاقپارات - اۋىل شارۋاشىلىعى مينيسترلىگى قازاقستاندىق پروفەسسوردىڭ الەمدەگى ەڭ بەدەلدى عالىمداردىڭ تىزىمىنە ەنگەنىن مالىمدەدى، دەپ حابارلايدى قازاقپارات.

جاڭگىر حان اتىنداعى باتىس قازاقستان اگرارلىق- تەحنيكالىق ۋنيۆەرسيتەتىنىڭ پروفەسسورى، تەحنيكا عىلىمدارىنىڭ دوكتورى سارسەنبەك مونتايەۆ «الەمدەگى ەڭ بەدەلدى عالىمداردىڭ % 2- ى» رەيتينگىنە ەنگەن.

Elsevier عىلىمي باسپاسىنىڭ سوڭعى مالىمەتتەرىنە سايكەس، الەمنىڭ ەڭ ۇزدىك عالىمدارىن ستەنفورد ۋنيۆەرسيتەتىنىڭ ساراپشىلارى قۇراستىردى. رەيتينگ نەگىزىنە بۇكىل بيبليومەتريالىق مالىمەتتەرى: عالىمداردىڭ مانسابىنداعى بارلىق جانە وتكەن جىلداعى دايەكسوزدەرى الىنادى.

سارسەنبەك مونتايەۆ قازىر ۋنيۆەرسيتەتتىڭ يندۋستريالدى- تەحنولوگيالىق ينستيتۋتىن باسقارادى. قۇرىلىس ماتەريالدارىن وندىرۋدە جاڭا تەحنولوگيالاردى ازىرلەۋشى، سونداي- اق اۋىل شارۋاشىلىعى ماقساتىنداعى جەرلەردىڭ توپىراعىنىڭ قۇرىلىمدىق- مەحانيكالىق قاسيەتتەرىن جاقسارتۋ جونىندەگى جوبانىڭ باسشىسى.

پروفەسسور «بولاشاق» باعدارلاماسى اياسىندا جاپونيادا نانوتەحنولوگيا ماماندىعى بويىنشا عىلىمي تاعىلىمدامادان وتكەن.

فوتو: wkau.kz