عىلىم جونىندەگى ۇلتتىق كەڭەس پرەزيدەنتى وزىق يدەيالارمەن قارۋلاندىرادى - ساياسات نۇربەك
«عىلىم جانە تەحنولويالار جونىندەگى ۇلتتىق كەڭەستى قۇرۋ نە ءۇشىن قاجەت بولدى؟ حالىقارالىق تاجىريبەگە قاراساق، وتكەن عاسىردىڭ 30 جىلدارىنىڭ وزىندە امەريكا پرەزيدەنتى فرانكلين رۋزۆەلت العاش رەت عىلىم جونىندەگى ۇلتتىق كەڭەس قۇرعان بولاتىن. وسىلايشا كەڭەسشىلەر توبى - سول كەزدەگى ۇزدىك، جەتەكشى عالىمدار توبى م ءى ت پرەزيدەنتى ۆان بارابۋشتىڭ باسشىلىعىمەن تۇراقتى قىزمەت ەتەتىن الاڭ جاسادى. ول الاڭ پرەزيدەنتتى مەملەكەتتىك ساياساتتا قورعانىس قابىلەتى جونىندەگى شەشىمدەر ازىرلەۋگە قاجەتتى عىلىمي نەگىزدەلگەن تاسىلدەرمەن تىكەلەي قامتاماسىز ەتىپ وتىردى. ءبىز وسى سياقتى كەڭەستەردىڭ ءبارىن زەردەلەدىك. فرانسيادا دا عىلىم اكادەمياسىندا ەل پرەزيدەنتىنىڭ جانىنداعى كونسۋلتاتيۆتىك-اقىلداسۋ كەڭەسى جۇمىس ىستەيدى. پرەزيدەنتكە وسىنداي ۇسىنىس ەنگىزدىك. قاسىم-جومارت كەمەل ۇلى مۇنى قولدادى»، - دەدى ساياسات نۇربەك.
ونىڭ سوزىنە قاراعاندا اتالعان ۇلتتىق كەڭەستىڭ مۇشەلەرى ءتۇرلى سالاداعى وزىق يدەيالارىن پرەزيدەنتكە تىكەلەي جەتكىزۋگە مۇمكىندىك الماق.
«بۇل نەگە ماڭىزدى؟ ەندى عالىمدار عىلىمنىڭ پروبلەمالارى مەن ءوز ۇسىنىمدارىن، يدەيالارىن، ەكونوميكانى، قورعانىس قابىلەتىن، حالىقارالىق ىستەردى دامىتۋ سياقتى ءتۇرلى ماسەلەلەر بويىنشا جۇرگىزەتىن تالداۋلارىن تىكەلەي پرەزيدەنتكە جەتكىزە الادى. ال بۇل پرەزيدەنتتى شەشىم قابىلداۋعا قاجەت جاڭا يدەيالارمەن، قوسىمشا كوزقاراستارمەن قارۋلاندىراتىن تۇراقتى ارنا بولادى»، - دەپ اتاپ ءوتتى مينيستر.