اقتوبەدە ءىرى قارادان اۋرۋ شىعىپ، تەكسەرۋ باستالدى
ءىرى قارانىڭ اۋزىنان سىلەكەي اعىپ، جەم- شوپتەن باس تارتقان. شارۋالار دابىل قاققان سوڭ ۆەتەرينارلار ءىرى قارادان بىرنەشە سىناما الدى.
«ۆەتەريناريا بويىنشا ۇلتتىق رەفەرەنتتىك ورتالىق» شارۋاشىلىق جۇرگىزۋ قۇقىعىنداعى كاسىپورىنعا استانا قالاسىنىڭ ماماندارى كەلىپ، اۋىرىپ تۇرعان ءىرى قارادان پاتولوگيالىق سىنامالار (سىلەكەي، قان) الىپ، زەرتتەۋگە جىبەردى. جالپى بىلتىر اۋسىلعا قارسى 1665271 دوزا ۆاكسينا الىنىپ، تاراتىلدى. بۇل وڭىردەگى بارلىق مالعا جەتۋى ءتيىس. ەندىگى سۇراق، شىنىمەن دە بار مالعا ۆاكتسينا سالىندى ما؟ اۋىرعان مالعا ۋاقىتىلى ۆاكتسينا بەرىلدى مە؟ قازىر قىزمەتتىك تەكسەرۋ ءجۇرىپ جاتىر»، - دەدى وبلىستىق ۆەتەريناريا باسقارماسىنىڭ باسشىسى قۇسايىن سارسەمباي.
ونىڭ ايتۋىنشا، ۆەتەرينار ماماندار اۋىلدىق وكرۋگتەگى اۋلالاردى ارالاپ، تەكسەرۋ جۇرگىزىپ جاتىر. ءبىراق اۋسىل اۋرۋىنا كلينيكالىق بەلگىلەر انىقتالماعان.
«جالپى ايتەكە بي اۋدانىندا ەپيزووتيالىق جاعداي تۇراقتى. ءمۇيىزدى ءىرى قارادا ءولىم- ءجىتىم تىركەلمەگەن. بۇزاۋ ولگەن دەرەك بار. ءبىراق ول بۇل جاعدايدان بۇرىن بولعان ءارى مال يەسى ەشكىمگە حابار بەرگەن. ۆەتەريناريا بويىنشا ۇلتتىق رەفەرەنتتىك ورتالىعى سىناما ناتيجيەسىن شىعارعان سوڭ قوسىمشا مالىمەت بەرىلەدى»، - دەدى قۇسايىن سارسەمباي.
