قازاقستاندا قانشا جەتىم بالا بار
«بالاجان» جوباسى وڭ ناتيجەسىن بەرۋدە. وعان دالەل قولداۋ ورتالىقتارىنداعى بالالاردىڭ پسيحولوگيالىق- ەموتسيونالدى جاعدايى مەن قارىم-قاتىناسى جاقسارىپ كەلەدى. باستىسى بالالارعا ىڭعايلى. ولار وزدەرىن ينتەرناتتا ەمەس، ۇيدە جۇرگەندەي سەزىنەدى. بارلىق بالا سەكىلدى، ساباق وقيدى، مەكتەپكە بارادى. اتالعان جوبا اياسىنداعى تاعى ءبىر باعىت - كاسىبي پاتروناتتىق وتباسىنى دامىتۋ. ياعني جەتىم جانە اتا- انا قامقورلىعىنسىز قالعان بالالاردى بالالار ۇيىنە ەمەس، بىردەن پاتروناتتىق وتباسىعا بەرۋ مۇمكىندىگى. بۇگىندە وسى پراكتيكا ەنگىزىلىپ جاتىر»، - دەدى جاننا سارسەنبايەۆا ەلوردادا وتكەن بالالار ءۇيىن ترانسفورماتسيالاۋ ماسەلەلەرىنە ارنالعان جيىن بارىسىندا باق وكىلدەرىنىڭ ساۋالىنا جاۋاپ بەرە وتىرىپ.
مينيسترلىك وكىلىنىڭ مالىمدەۋىنشە، «بالاجان» جوباسى اقمولا وبلىسىندا پيلوتتىق رەجيمدە جۇزەگە اسىپ جاتىر. الدا رەسپۋبليكالىق دەڭگەيدە اۋقىمى كەڭەيە تۇسەدى.
«كەلەسى جىلى اقكول قالاسىنداعى بالالاردى قولداۋ ورتالىعىنىڭ تاجىريبەسىن رەسپۋبليكاعا تاراتۋدى جوسپارلاپ وتىرمىز. قازىر ول جاعى زاڭنامالىق دەڭگەيدە پىسىقتالۋدا. بۇگىندە ەلىمىزدە 20 مىڭنان استام جەتىم بالا بار. ولاردىڭ %80 عا جۋىعى تۋىسى نەمەسە باسقا وتباسىلاردا تاربيەلەنۋدە. جالپى بالا اسىراپ الۋ بويىنشا ەلىمىزدە وڭ ديناميكا»، - دەيدى ول.
بۇعان دەيىن حابارلاعانىمىزداي، قازاقستاندا بالالار ۇيلەرىنىڭ اتاۋى مەن قىزمەتى وزگەرىپ جاتىر.
