ەل ىشىندە رەسمي وپەراتورلار ارقىلى تۋر ساتىپ العان وتباسىلاردىڭ بالالارىنا تەگىن اۆيابيلەت بەرىلەدى
«421 شەتەلدىك تۋريستكە تۋريستىك پاكەت قۇرامىندا سۋبسيديا تولەندى. ساتىپ الىنعان 2 تۋراۆتوبۋس بويىنشا بيزنەس شىعىندارىنىڭ ءبىر بولىگىن وتەۋ ماقۇلداندى. سونداي- اق، زەرەندى اۋدانىنداعى «پارۋس» بالالار ساۋىقتىرۋ ورتالىعى بويىنشا وتەماقى الۋ ءوتىنىمى ماقۇلداندى»، - دەدى مادەنيەت جانە سپورت ۆيتسە- ءمينيسترى ەرجان ەركىنبايەۆ تۋريزمدى دامىتۋ ماسەلەلەرى جونىندەگى كوشپەلى كەڭەستە.
وعان قوسا، مينيسترلىك قولداۋ شارالارىنىڭ تيىمدىلىگىن ارتتىرۋ ءۇشىن تالاپتار مەن تەتىكتەردى وڭايلاتۋ جۇمىستارىن جالعاستىرۋدا. اكىمدىكتەر وتەۋ تۋرالى وتىنىمدەردى بيىلعى 1- ناۋرىزعا دەيىن جولداۋى قاجەت.
ءوز كەزەگىندە مينيستر اسحات ورالوۆ Kids Go Free بويىنشا مىڭ جارىم بالانىڭ وتە از ەكەنىن ايتتى.
«كەم دەگەندە 2-3 مىڭ بالا بۇل جەڭىلدىكتى پايدالانۋى كەرەك. ماركەتينگ پەن جارنامانى كوبەيتۋ كەرەك، ويتكەنى كوپتەگەن ادامدار بۇل باعدارلاما تۋرالى بىلمەيدى. ەل ىشىندە رەسمي وپەراتورلار ارقىلى تۋر ساتىپ العان وتباسىلاردىڭ بالالارىنا تەگىن اۆيابيلەت بەرىلەدى. مۇندا بارلىق زاڭ تالاپتارى ساقتالۋى كەرەك. تولەم مەرزىمىن 6 ايدان 6 جۇمىس كۇنىنە قىسقارتۋ قاجەت. بۇل ەل ىشىندەگى وتباسىلىق دەمالىس مۇمكىندىكتەرىن كەڭەيتەدى»، - دەدى اسحات ورالوۆ.
فوتو: media.cntraveler.com
اۆتور
ايجان سەرىكجان قىزى
