مەملەكەتتىك ورگان مەن ازاماتتار اراسىندا داۋلاردا ۆەدومستۆولار ءجيى جەڭىلۋدە

بۇل تۋرالى ورتالىق كوممۋنيكاتسيالار قىزمەتىندە وتكەن بريفينگىدە ق ر ادىلەت ۆيتسە-ءمينيسترى الما مۇقانوۆا ايتتى، دەپ حابارلايدى قازاقپارات ءتىلشىسى.

ب ا ق وكىلدەرىنىڭ الدىندا بايانداما جاساعان ۆيتسە-مينيستر 2021 -جىلى قولدانىسقا ەنگىزىلگەن ق ر اكىمشىلىك راسىمدىك- پروتسەستىك كودەكسىنە قاتىستى جۇمىستاردىڭ قورتىندىسىنا توقتالدى.

«جوعارعى سوتتىڭ مالىمەتتەرىنە سايكەس، اكىمشىلىك ادىلەتتىڭ جاڭا فورماتىنىڭ ءبىرىنشى جىلىندا اياقتالعان ىستەردىڭ جالپى سانىنان تالاپكەرلەردىڭ تالاپتارى 4474 ءىس بويىنشا تولىق نەمەسە ءىشىنارا قاناعاتتاندىرىلدى (%52)، ال 4085 ءىس نەمەسە %48 قاناعاتتاندىرۋدان باس تارتىلدى. وزدەرىڭىز بىلەتىندەي، كودەكس قولدانىسقا ەنگىزىلگەنگە دەيىن مەملەكەتتىك ورگانداردا ازاماتتارمەن جانە زاڭدى تۇلعالارمەن داۋلاردا ۇتىلعان ىستەردىڭ مۇنداي سىني كورسەتكىشتەرى بولماعان. مىسالى، بۇرىن مەملەكەتتىك ورگاندار ازاماتتىق ىستەردىڭ %85 عا جۋىعىن جەڭىپ العان»، - دەدى الما مۇقانوۆا