شىمكەنتتە «ق ت ج- جۇك تاسىمالى» فيليالىنىڭ باسشىسى پارا العانى ءۇشىن ۇستالدى
بۇل تۋرالى قازاقستان رەسپۋبليكاسىنىڭ سىبايلاس جەمقورلىققا قارسى ءىس- قيمىل اگەنتتىگىنىڭ شىمكەنت قالاسى بويىنشا دەپارتامەنتى باسشىسىنىڭ مىندەتىن ۋاقىتشا اتقارۋشى داۋرەن ەرعارين مالىمدەدى، دەپ حابارلايدى قازاقپارات ءتىلشىسى.
شىمكەنت قالاسى بويىنشا سىبايلاس جەمقورلىققا قارسى كۇرەس سالاسىنىڭ ماماندارى «ق ت ج- جۇك تاسىمالى» ج ش س شىمكەنت فيليالىنىڭ باسشىسىنا جانە ونىڭ قاراماعىنداعى ءبىرقاتار قىزمەتكەرگە قاتىستى سوتقا دەيىنگى تەرگەپ- تەكسەرۋ جۇرگىزۋدە.
ولار پوەزداردى قابىلداۋشى، كاسسير، ۆاگونداردى تەكسەرۋشى- جوندەۋشى جانە تاعى باسقا لاۋازىمدارعا جۇمىسقا ورنالاسۋ ءۇشىن جۇيەلى تۇردە پارا بەرگەنى جانە العانى ءۇشىن اشكەرەلەنگەن.
«سوتقا دەيىنگى تەرگەۋ جالعاسۋدا. وزگە اقپارات جاريا ەتۋگە جاتپايدى» - دەپ جازدى داۋرەن ەرعارين الەۋمەتتىك جەلىدەگى پاراقشاسىندا.
اۆتور
قايرات زاينيشيەۆ
