14:07, 26 - قاڭتار 2023 | GMT +5
استانادا تۇتقىنداردى ازاپتادى دەگەن كۇدىكپەن ۇ ق ق قىزمەتكەرلەرى قاماۋعا الىندى
استانا. قازاقپارات - استاناداعى تەرگەۋ يزولياتورىندا تۇتقىنداردى ازاپتادى دەگەن كۇدىككە ىلىنگەن ۇ ق ق قىزمەتكەرلەرى ەكى ايعا قاماۋعا الىندى، دەپ حابارلايدى قازاقپارات استانا سوتىنىڭ باسپا ءسوز قىزمەتىنە سىلتەمە جاساپ.
استانا قالاسى مامانداندىرىلعان اۋدانارالىق تەرگەۋ سوتىنىڭ مالىمەتىنشە، 25-قاڭتاردا استانا قالاسىنىڭ مامانداندىرىلعان اۋدانارالىق تەرگەۋ سوتى كۇدىكتى پودپولكوۆنيك ەركىن امانوۆ، مايور حاميت ابدۋعالي، ۇ ق ق شەكارا قىزمەتىنىڭ قىزمەتكەرى، كاپيتان ك. ب. سارتايەۆقا قاتىستى ەكى اي مەرزىمگە قاماۋعا الۋ تۇرىندەگى بۇلتارتپاۋ شاراسىن بەكىتتى. سوتقا دەيىنگى تەرگەپ- تەكسەرۋدىڭ وزگە دەرەكتەرى ق ر ق پ كودەكسىنىڭ 201-بابىنا سايكەس جاريا ەتىلمەيدى.
