رەفورمالار ودان ءارى جالعاسادى - قاسىم- جومارت توقايەۆ
«جاقىندا عانا ءماجىلىس پەن ءماسليحاتتارعا سايلاۋ ناۋقانى ءوز جۇمىسىن باستادى. بۇل نەگىزگى مەملەكەتتىك ينستيتۋتتاردى كەشەندى تۇردە جاڭعىرتۋدىڭ سوڭعى ساتىسى بولماق. ءماجىلىس پەن ءماسليحاتتاردىڭ ارالاس مودەلىن قالىپتاستىرۋعا كوشىپ جاتىرمىز. بارلىق الەۋمەتتىك توپتىڭ مۇددەسىن قورعاۋ تۇرعىسىنان مۇنىڭ ءمانى زور. بۇل وزگەرىس وكىلدى بيلىك تارماقتارىنىڭ بارلىق دەڭگەيىنە ايتارلىقتاي ىقپال ەتەدى. سوڭعى جىلدارى جۇرگىزىلگەن ساياسي وزگەرىستەر، سايلاۋ زاڭناماسىن ماقساتتى تۇردە ليبەرالداندىرۋ قازاقستاندا پارتيا قۇرۋ ىسىنە تىڭ سەرپىن بەردى. ۇزاق ۋاقىتتان بەرى ەلىمىزدە العاش رەت بىرنەشە جاڭا پارتيا رەسمي تۇردە تىركەلدى. اتالعان دەرەكتى ارالىق قورىتىندى رەتىندە اتاپ وتۋگە بولادى. بۇل - العا قاراي جاسالعان ماڭىزدى قادام»، دەپ اتاپ ءوتتى ق ر پرەزيدەنتى.
سونداي- اق مەملەكەت باسشىسى رەفورمالار ودان ءارى جالعاساتىنىن قاداپ ايتتى.
«جالپى، كەز كەلگەن سايلاۋدا قوعامنىڭ ساياسي كەمەلدىگى سىنالادى. قوعامدا پىكىرتالاس قىزۋ جۇرەدى. سىن - ازاماتتىق قوعامنىڭ اجىراماس بولشەگى جانە اتالعان ۇعىم قازاقستانعا دا ءتان. بۇل - مەنىڭ بەرىك ۇستانىمىم. قوعامدى ترانسفورماتسيالاۋ جانە جاڭعىرتۋ جونىندە قابىلداعان شارالارىمىز حالىقتىڭ مۇڭ- مۇقتاجىن شەشۋگە باعىتتالعان. رەفورمالار ودان ءارى جالعاسادى»، - دەدى قاسىم- جومارت توقايەۆ.
