جەڭىلدەتىلگەن اۆتونەسيە بەرۋدى قاڭتاردىڭ سوڭىندا باستايمىز - مينيستر

None
None
استانا. قازاقپارات - اي سوڭىنا دەيىن جەڭىلدەتىلگەن اۆتونەسيە باعدارلاماسى قايتا ىسكە قوسىلادى.

بۇل تۋرالى يندۋستريا جانە ينفراقۇرىلىمدىق دامۋ ءمينيسترى مارات قارابايەۆ ءمالىم ەتتى، دەپ حابارلايدى قازاقپارات ءتىلشىسى.

«وتكەن جىلى ناۋرىزدا اۆتونەسيە سوماسى 10 ميلليون تەڭگەگە دەيىن دەپ بەلگىلەندى. ال اۆتوكولىك قۇنى 15 ميلليون تەڭگەدەن اسپاۋى كەرەك. حالىققا قولجەتىمدى بولۋ ءۇشىن باعدارلامادا قىمبات كولىكتەر قاراستىرىلماعان. اۆتونەسيە باعدارلاماسىن ايدىڭ سوڭىندا باستايمىز. وسى اپتادا ونەركاسىپتى دامىتۋ قورى باسپا ءسوز ءماسليحاتىن وتكىزەدى، سوندا تولىق اقپارات بەرىلەدى. بۇل جەردە باعدارلامانىڭ مەحانيزمىن قايتا قاراۋ ماسەلەسى تۇر. بۇعان دەيىن كليەنتتەر الدىمەن اۆتوسالونعا جۇگىنىپ، سودان سوڭ بانككە باراتىن. ونەركاسىپتى دامىتۋ قورى باسقا تەتىكتى ۇسىنىپ وتىر»، - دەدى مارات قارابايەۆ ۇكىمەتتىڭ كۋلۋارىندا ب ا ق وكىلدەرىنىڭ ساۋالىنا جاۋاپ بەرە وتىرىپ.

ۆەدومستۆو باسشىسىنىڭ ايتۋىنشا، قايتا ىسكە قوسىلاتىن باعدارلاماداعى جاڭاشىلدىقتىڭ ءبىرى ەلەكتروندى كەزەك بولادى.

ەسكە سالساق، ق ر پرەمەر- ءمينيسترىنىڭ ءبىرىنشى ورىنباسارى رومان سكليار جەڭىلدەتىلگەن اۆتونەسيەنىڭ نەگە قايتا جاندانباي جاتقانىن تۇسىندىرگەن ەدى.

سوڭعى جاڭالىقتار