نەسيەسى بار قانشا الماتىلىق ءوزىن بانكروت دەپ جاريالاي الادى

None
الماتى. قازاقپارات - الماتى قالاسىندا 214 مىڭ ادام قارجى ۇيىمدارى الدىنداعى نەسيەسىن تولەي الماي ءجۇر.

بۇل تۋرالى الماتى قالاسى بويىنشا م ك د باسشىسىنىڭ ورىنباسارى زاڭعار شىندالي وڭىرلىك كوممۋنيكاتسيالار قىزمەتىندە وتكەن باسپا ءسوز ءماسليحاتىندا ايتتى، دەپ حابارلايدى قازاقپارات ءتىلشى.

«اقپاراتقا سايكەس، بۇگىنگى كۇنى 214 مىڭ جەكە تۇلعا قارىزدارىن ۋاقىتىلى تولەي الماي ءجۇر. ءبىراق ولاردىڭ بارلىعى وزدەرىن بانكروت دەپ جاريا ەتە المايدى. ولار كىرىس كريتەريالارىنا سايكەس كەلۋى كەرەك. بىرىنشىدەن، سوتتان تىس بانكروتتىق بولسا مۇلكى بولماۋى قاجەت. ەكىنشىدەن، سوت ارقىلى بولسا سوماسىن قاراۋ كەرەك»، - دەدى الماتى قالاسى بويىنشا م ك د باسشىسىنىڭ ورىنباسارى زاڭعار شىندالي.

سونىمەن قاتار، ول جەكە تۇلعانىڭ قارجىلىق جاعدايىنا مونيتورينگ جۇرگىزىلەتىنىن ەسكە سالدى.

بۇعان دەيىن ق ر قارجى ۆيتسە-ءمينيسترى سەناتتا وتكەن دوڭگەلەك ۇستەل بارىسىندا ەلىمىزدە نەسيە جانە باسقا دا قارىزىن تولەمەي جۇرگەن 7 ميلليون بورىشكەر بار ەكەنىن ايتقان بولاتىن.

ايتا كەتەيىك، قازاقستاندىقتار 2023 -جىلدىڭ 3-ناۋرىزىنان باستاپ بانكروتتىققا ءوتىنىش بەرە الادى.

سوڭعى جاڭالىقتار