ماس كۇيىندە بىرنەشە رەت ۇستالعان كولىك جۇرگىزۋشىلەرىنە قىلمىستىق ءىس قوزعالادى - پوليتسيا
«ەلوردادا جىل باسىنان بەرى 5986 جول قوزعالىسى ەرەجەلەرىن بۇزۋ وقيعاسى انىقتالدى. ونىڭ ىشىندە 80 جۇرگىزۋشى ماس بولعان. كوممۋنالدىق تۇراققا 195 اۆتوكولىك قويىلدى. بۇرىن ماس كۇيىندە كولىك جۇرگىزگەن 7 جۇرگىزۋشى تاعى دا جاۋاپقا تارتىلدى. سونىمەن بىرگە، اپاتتى جاعداي تۋدىرۋعا اسەر ەتەتىن جول قوزعالىسى ەرەجەلەرىنىڭ ورەسكەل بۇزىلۋىنا جول بەرمەۋ ءۇشىن جاياۋ جۇرگىنشىلەرمەن جۇمىس ىستەۋگە ەرەكشە نازار اۋدارىلادى»، - دەدى ەلوردالىق پوليتسيا دەپارتامەنتى پاترۋلدىك پوليتسيا پولكى شتابىنىڭ باستىعى اۋەسحان ءتاجىعۇلوۆ.
جول قاۋىپسىزدىگى دەڭگەيىن ارتىرۋعا باعىتتالعان «قاۋىپسىز جول»، «قۇقىقتىق ءتارتىپ»، «اۆتوبۋس»، «نازار اۋدارىڭىزدار، بالالار»، «بالالاردىڭ جولداعى قاۋىپسىزدىگى»، «جاياۋ جۇرگىنشى» جانە تاعى باسقا جەدەل-الدىن الۋ شارالارى ءجيى وتكىزىلەدى.
سوڭعى ءۇش كۇندە استانادا ماس كۇيىندە كولىك جۇرگىزگەن 19 ادام، ماس كۇيىندە جول اپاتىن جاساعان 11 جۇرگىزۋشى انىقتالدى.
«ماس كۇيىندە كولىك جۇرگىزگەنى ءۇشىن قايتادان ۇستالعان جۇرگىزۋشىلەرگە قىلمىستىق ءىس قوزعالادى. ونىڭ شەشىمىن سوت ۇكىمى شىعارادى. ولارعا 50 كۇندىك قوعامدىق جۇمىس نەمەسە 5 جىل باس بوستاندىعىنان ايىرۋ جازاسى قلدانىلادى نەمەسە 5 مىڭ ا ە ك ايىپپۇل سالىنادى»، - دەپ ءتۇسىندىردى ءا. ءتاجىعۇلوۆ.
