ەۋرونىڭ دوللارعا قاتىستى باعامى نىعايىپ كەلەدى

None
بريۋسسەل. قازاقپارات - دۇيسەنبىدە ەۋرونىڭ 2022-جىلدىڭ ساۋىرىنەن بەرگى دوللارعا قاتىستى باعامى ەڭ جوعارى مانگە جەتتى. قازىرگى ۋاقىتتا 1 ەۋرو 1,0927 دوللاردى قۇراپ وتىر، دەپ حابارلايدى قازاقپارات مەنشىكتى ءتىلشىسى.

قازىرگى كورسەتكىشتەر وتكەن جىلدىڭ جازىنداعى ەۋرو باعامىنان شامامەن %15 جوعارى. وسى كەزەڭدە ەنەرگيا باعاسىنىڭ كۇرت ءوسۋى ەۋرونىڭ جيىرما جىلدىق ەڭ تومەنگى دەڭگەيىنە - 0,9536 دوللارعا دەيىن قۇلدىراۋىنا اكەلگەن ەدى.

دەگەنمەن ءالى دە كوپتەگەن ەكونوميستەر مەن بانكتەر ەۋروايماقتىڭ ەكونوميكالىق بولاشاعى بۇلىڭعىر دەپ ەسەپتەيدى: بەلگيالىق l'Echo گازەتى بيىلعى ءبىرىنشى توقساندا ەۋروايماق تەحنيكالىق رەتسەسسياعا ۇشىرايدى دەپ بولجاپ وتىر، ال دۇنيەجۇزىلىك بانك 2023-جىلى ەۋروايماق %0- تىك ءوسىم كورسەتەدى دەپ جورامالدايدى. بىلتىرعى ماۋسىمدا بۇل بولجام %1,9 دەينگەيىندە بولعان ەدى.

ەۋرونىڭ نىعايۋىنا اسەر ەتكەن نەگىزگى فاكتورلاردىڭ ءبىرى - سوڭعى بىرنەشە اپتادا گازدىڭ ارزانداۋى. وعان سەبەپ قىستىڭ ادەتتەگىدەن جىلى بولۋى.

ەۋرونىڭ وسۋىنە ىقپال ەتكەن ەكىنشى، ءتىپتى ودان دا ماڭىزدى سەبەپ - ەۋروپا ورتالىق بانكى بەلگىلەگەن باعام. ەۋروايماقتاعى ينفلياتسيانى اۋىزدىقتاۋ ءۇشىن ەۋروپا بانكى بيىلدىڭ وزىندە ءتورت رەت بازالىق مولشەرلەمەنى كوتەردى.

بەيسەنبى كۇنى ەوب پرەزيدەنتى كريستين لاگارد داۆوستاعى دۇنيەجۇزىلىك ەكونوميكالىق فورۋمدا ينفلياتسيا ءالى دە تىم جوعارى ەكەنىن جانە ەوب ونىڭ دەڭگەيىن %2 ءتۇسىرۋ باعىتىندا جۇمىس ىستەيتىنىن اتاپ ءوتتى.

سوڭعى جاڭالىقتار