بوكستان جاستار اراسىندا ازيا چەمپيوناتىندا تاعى ءۇش بوكسشى فينالعا شىقتى

None
استانا. قازاقپارات - تايلاند استاناسى بانگكوك قالاسىندا 22 جاسقا دەيىنگىلەر اراسىندا بوكستان ءوتىپ جاتقان ازيا چەمپيوناتىندا قازاقستاندىق ءۇش سپورتشى فينالعا شىقتى، دەپ حابارلايدى قازاقپارات ءتىلشىسى.

ابزال سەرىك 67 كەلىگە دەيىنگى سالماقتا كامبودجالىق پەنح ۆانتحۋنگپەن جۇدىرىقتاسىپ، ءبىرىنشى جانە ءۇشىنشى راۋندتا نوكداۋنعا جىبەردى. تورەشىلەر ەسەبى - 5:0.

جاستار اراسىندا الەم چەمپيونى سابىرجان اققالىقوۆ 71 كەلىگە دەيىنگى سالماقتا تاجىكستاندىق دوۆۋد ماحكاموۆتان ايلاسىن اسىردى.

دياس مولجىگىتوۆ (75 كەلى) جارتىلاي فينالدىق كەزدەسۋىن ءساتتى وتكىزدى. ول قىتايلىق ايليكۋتي كاحاەردى قازىلاردىڭ ءبىراۋىزدان شەشىمىنەن تىزە بۇكتىردى.

ال تالعات سىرىمبەتوۆ 60 كەلىگە دەيىنگى سالماقتا قولا جۇلدەنى قاناعات تۇتتى. ول جارتىلاي فينالدا تايلاندتىق پحۋتحانەت رودسۋكپەن جۇدىرىقتاسىپ، ءبىرىنشى راۋندتا نوكداۋنعا جىبەرگەنىمەن، جالپى ەسەپتە تورەشىلەر شەشىمىمەن قارسىلاسىنا جول بەردى.

سونداي-اق مۇحاممەدسابىر بازارباي ۇلى 63,5 كەلىگە دەيىنگى سالماقتا قولا جۇلدەگەر اتاندى. تورەشىلەر بۇل جەكپە-جەكتە موڭعوليالىق تۋلگا ويۋنبااتار جەڭدى دەپ تاپتى - 3:2.

ەسكە سالا كەتەيىك، بۇدان بۇرىن ازيا چەمپيوناتىندا ەكى بوكسشىنىڭ فينالعا شىققانىن جازعان ەدىك.

سونداي-اق ماحمۋد سابىرحان التىن ءۇشىن تالاسادى.

سوڭعى جاڭالىقتار