بوكستان جاستار اراسىندا ازيا چەمپيوناتىندا ءۇش بوكسشى قولا جۇلدەگەر اتاندى

None
استانا. قازاقپارات - تايلاند استاناسى بانگكوك قالاسىندا 22 جاسقا دەيىنگىلەر اراسىندا ءوتىپ جاتقان ازيا چەمپيوناتىندا قازاقستاندىق ءۇش بوكسشى قولا جۇلدەگەر اتاندى، دەپ حابارلايدى قازاقپارات ءتىلشىسى.

ەراسىل جاكپەكوۆ 80 كەلىگە دەيىنگى سالماقتا وزبەكستاندىق دجاسۋربەك يۋلدوشيەۆپەن جۇدىرىقتاسىپ، ونى ەكىنشى راۋندتا نوكداۋنعا جىبەرگەنىمەن، تورەشىلەر شەشىمىمەن جەڭىلىپ قالدى. ءسويتىپ ول قولا جۇلدەمەن شەكتەلدى.

سونداي-اق 92 كەلىگە دەيىنگى سالماقتا رينگكە شىققان ەرحات بەكزات وزبەكستاندىق نۋسراتبەك توحيروۆكە ەسە جىبەردى - 0:5.

اسا اۋىر سالماقتا امانات سابىرعالي تاعى ءبىر وزبەكستاندىق دجاحونگير زوكيروۆپەن شەبەرلىك بايقاستى. ەكىنشى راۋندتا امانات ءدال سوققى الىپ، رەفەري ەسەپ اشتى. اقىرى تورەشىلەردىڭ ءبىراۋىزدان شەشىمىمەن جەڭىس وزبەكستاندىق بوكسشىنىڭ ەنشىسىندە كەتتى.

وسىلايشا، بوكسشىلارىمىزدىڭ ۇشەۋى دە وزبەكستاندىقتاردان ۇتىلىپ قالدى.

جاستار اراسىندا ازيا بىرىنشىلىگىندە كەشە قازاقستاندىق ءۇش بوكسشى قىزىمىز وزبەكستاندىقتارعا جول بەرگەن ەدى.

بۇگىن جارتىلاي فينالدا ونەر كورسەتكەن 11 قازاقستاندىق بوكسشىنىڭ التاۋى جەڭسە، بەسەۋى ۇتىلىپ قالدى.

سوڭعى جاڭالىقتار