فۋتبول تاريحىندا العاش رەت اق قاعاز كورسەتىلدى

استانا. قازاقپارات - پورتۋگالياداعى فۋتبول ماتچىندا، تاريحتا تۇڭعىش رەت تورەشى اق قاعاز كورسەتتى.

بۇل تۋرالى Sport Bible حابارلادى.

تاريحي ءسات 21- قاڭتاردا «بەنفيكا» جانە «سپورتينگ» ايەلدەر كوماندالارى اراسىنداعى ماتچتا بولدى. ويىنشىلاردىڭ ءبىرى اۋىرعان كەزدە الاڭعا ەكى كلۋبتىڭ مەديتسينا ماماندارى كەلدى. دارىگەرلەر سپورتشىنىڭ جاعدايىن قالىپقا كەلتىرگەننەن كەيىن، تورەشى ولارعا كورسەتىلەتىن كومەك ءۇشىن العىس رەتىندە اق قاعاز كورسەتتى.

ستاديونداعى جانكۇيەرلەر تورەشىنىڭ شەشىمىنە قول شاپالاقتاپ، ريزاشىلىق ءبىلدىردى. الايدا، الەۋمەتتىك جەلىلەردە مۇنى پايداسىز، قۇر ۋاقىت وتكىزۋ دەپ اتادى.

ايتا كەتەيىك، حالىقارالىق فۋتبول فەدەراتسياسى ەكسپەريمەنت رەتىندە پورتۋگاليادا اق قاعازدى پايدالانۋدى ەنگىزدى. وسىلايشا، فۋتبولشىلارعا ادال ويىن ءۇشىن العىس ايتۋ جانە سپورتتاعى ەتيكالىق قۇندىلىقتى ارتتىرۋ جوسپارلانعان.