بيىل كوكتەمگى سۋ تاسقىنىنان قاۋىپ بار ما

None
استانا. قازاقپارات – ق ر ەكولوگيا جانە تابيعي رەسۋرستار مينيسترلىگى سۋ رەسۋرستارى كوميتەتى ءتوراعاسىنىڭ مىندەتىن اتقارۋشى دوسبول بەكماعامبەتوۆ كوكتەمگى سۋ تاسقىنىنا قاتىستى بولجام جاسادى، دەپ حابارلايدى قازاقپارات ءتىلشىسى.

«كوكتەمگى سۋ تاسقىنىن بولجاۋ، قاۋىپتىڭ الدىن الۋ بويىنشا قازگيدرومەتتىڭ دەرەكتەرىنە سۇيەنە وتىرىپ شەشىم قابىلدانادى. جالپى اتالعان ماسەلە باقىلاۋدا. ءمينيستردىڭ تاپسىرماسىنا سايكەس، سۋ تاسقىنى قاۋپىن الدىن الۋ شارالارىن جىلداعىدان ءبىر ايعا ەرتە باستاپ كەتتىك»، - دەدى دوسبول بەكماعامبەتوۆ «قازگيدرومەت» مەكەمەسىندە وتكەن باسپا ءسوز ءماسليحاتىندا.

بريفينگ بارىسىندا ب ا ق وكىلدەرى كوكتەمگى سۋ تاسقىنى قاۋپىنە قاتىستى ناقتى باعا بەرۋدى سۇرادى.

«قۇداي قالاسا ءبارى جاقسى بولادى»، - دەپ قىسقا قايىردى سپيكەر.

بۇعان دەيىن حابارلاعانىمىزداي، ەلىمىزدە كوكتەمگى سۋ تاسقىنىنا دايىندىق شارالارى باستالىپ كەتتى.

قاۋىپتىڭ الدىن الۋ ماقساتىندا كەزەكشىلىك كەستەسى بەكىتىلىپ، سۋ شارۋاشىلىعى جاعدايىنا تۇراقتى مونيتورينگ جۇرگىزىلىپ جاتىر.

ەكولوگيا مينيسترلىگىنىڭ دەرەگىنشە، كوكتەمگى سۋ تاسقىنى قاۋپى قىزىلوردا، ماڭعىستاۋ وبلىسىندا تومەن، ۇلىتاۋ جانە پاۆلودار وبلىسىندا ورتاشا.

قالعان بارلىق ءوڭىر قىزىل ايماقتا، ياعني قاۋىپ جوعارى.

سوڭعى جاڭالىقتار