مينيسترلىك وكىلى جالاقىسى وسەتىن تاعى ءبىر سالانى اتادى
بۇل تۋرالى اۋىل شارۋاشىلىعى مينيسترلىگىنىڭ كەڭەيتىلگەن القا وتىرىسىندا ايتىلدى، - دەپ حابارلايدى qazaqstan.tv.
ەسكە سالايىق، بىلتىر ۆەتەريناريا ماماندارىنىڭ جالاقىسى رەسپۋبليكا بويىنشا ورتاشا ەسەپپەن 50 پايىزعا ءوستى.
بيىلدان باستاپ زاڭناما شەڭبەرىندە پاتوگەندىگى I جانە II توپتارداعى بيولوگيالىق اگەنتتەرىمەن جۇمىس ىستەگەنى ءۇشىن 35 پايىز جانە 50 پايىز مولشەرىندە قوسىمشا تولەمدەر تولەنەدى. بۇل تۋرالى جيىندا اۋىل شارۋاشىلىعى ۆيتسە-ءمينيسترى ءابىلحايىر تامابەك ايتتى. سونىمەن قاتار، ەكى لاۋازىمدىق ايلىق مولشەرىندە ساۋىقتىرۋ ءۇشىن جاردەماقى تولەنەدى. باسقوسۋدا ۆەتەريناريا جۇيەسىن سيفر فورماتىنا كوشىرۋ بويىنشا جۇمىس ءجۇرىپ جاتقانى دا ايتىلدى. بۇل ۆەتەريناريا قىزمەتكەرلەرىن قاعازباستىلىقتان بوساتۋعا، اقپارات بەرۋ پروتسەسىن اۆتوماتتاندىرۋعا جانە جانۋارلاردى ەسەپكە الۋدى جۇزەگە اسىرۋعا مۇمكىندىك بەرەدى.
تاعى ءبىر جاڭالىق - بيىل ءبىرىنشى جارتىجىلدىقتا ەلدە ءىرى قارا مەن ۇساق مالداردىڭ بارلىعى 23 اۋرۋ ءتۇرى بويىنشا تولىق ۆاكسيناتسيالاۋدان وتەدى. بۇل ەلدىڭ ەت يمپورتى الەۋەتىن ارتتىرۋ ءۇشىن قولعا الىنىپ وتىر.
