قازاقستان مەن ماجارستان اتوم ەنەرگياسى بويىنشا مامان دايارلاۋ تۋرالى قۇجاتقا قول قويادى

None
استانا. قازاقپارات - جاقىن ارادا قازاقستان مەن ماجارستان ءبىرقاتار ۆەدومستۆوارالىق قۇجاتقا قول قويادى.

بۇل تۋرالى ەلوردادا وتكەن باسپا ءسوز ءماسليحاتىندا سىرتقى ىستەر مينيسترلىگىنىڭ رەسمي وكىلى ايبەك سمادياروۆ ءمالىم ەتتى، دەپ حابارلايدى قازاقپارات ءتىلشىسى.

«2023-جىلعى 26-27- قاڭتاردا بۋداپەشت قالاسىندا (ماجارستان) ەكونوميكالىق ىنتىماقتاستىق جونىندەگى قازاقستان-ماجارستان ۇكىمەتارالىق كوميسسياسىنىڭ سەگىزىنشى وتىرىسى وتەدى. كوميسسيانىڭ قازاقستاندىق جاعىنىڭ تەڭ ءتوراعاسى – ق ر ۇلتتىق ەكونوميكا ءمينيسترى الىبەك قۋانتىروۆ، ال ماجارستاننان قارجى ءمينيسترى ميحاي ۆارگا بولادى. كوميسسيا وتىرىسىندا قازاقستان-ماجارستان ىسكەرلىك كەڭەسىنىڭ وتىرىسىن وتكىزۋ، ءبىرقاتار ۆەدومستۆوارالىق قۇجاتقا قول قويۋ جوسپارلانىپ وتىر. ولاردىڭ ىشىندە قازاقستان رەسپۋبليكاسىنىڭ ەنەرگەتيكا مينيسترلىگى مەن ماجارستاننىڭ مادەنيەت جانە يننوۆاتسيالار مينيسترلىگى اراسىندا اتوم ەنەرگياسىن بەيبىت ماقساتتا پايدالانۋ سالاسىندا كادرلاردى دايارلاۋ ءارى وقىتۋ جونىندەگى ءوزارا تۇسىنىستىك تۋرالى مەموراندۋمعا قول قويىلادى»، - دەدى ا. سمادياروۆ.

ونىڭ ايتۋىچنشا، ەكى ەلدىڭ وكىلدەرى Stipendium Hungaricum ماجار ستيپەنديالىق باعدارلاماسى اياسىنداعى ىنتىماقتاستىق ماسەلەسىن تالقىلايدى. وسى باعدارلاما اياسىندا ماجار تاراپى 250 گرانت بولەدى (110 - باكالاۆريات، 90 - ماگيستراتۋرا، 30 - باكالاۆريات + ماگيستراتۋرا جانە 20 - دوكتورانتۋرا گرانتى).

بۇدان بۇرىن حابارلانعانداي، 2023-جىلعى 23-24- قاڭتاردا تاشكەنت قالاسىندا ەكونوميكالىق ىنتىماقتاستىق ۇيىمىنىڭ سىرتقى ىستەر مينيسترلەرى كەڭەسىنىڭ 26-وتىرىسى وتەدى. ءىس-شاراعا ق ر پرەمەر-ءمينيسترىنىڭ ورىنباسارى - سىرتقى ىستەر ءمينيسترى مۇحتار تىلەۋبەردى قاتىسادى.

سوڭعى جاڭالىقتار