اۋىلعا تيەسىلى جەر جەكە مەنشىكتەن قالاي شىعارىلادى

None
استانا. قازاقپارات - اۋىل شارۋاشىلىعى ءمينيسترى ەربول قاراشوكەيەۆ ۆەدومستۆونىڭ كەڭەيتىلگەن القا ماجىلىسىنەن كەيىن ب ا ق وكىلدەرىنە اۋىلعا تىم جاقىن جاتقان جەكە مەنشىك جەر اۋىلدىڭ قورىنا قالاي بەرىلەتىنىن ءتۇسىندىردى، دەپ حابارلايدى قازاقپارات ءتىلشىسى.

«اقمولا وبلىسىنىڭ شورتاندى، اقكول اۋداندارىندا ءدال اۋىلدىڭ ىرگەسىندە 500 مەتر راديۋستا ەگىس القاپتارى بار. جاڭا زاڭنىڭ اياسىندا مۇنداي جەرلەر ەلدى مەكەننىڭ يگىلىگىنە قالاي قايتارىلادى؟» - دەپ سۇرادى ب ا ق وكىلى مينيستردەن.

«وتكەن جىلدىڭ باسىنان بەرى زاڭناماعا وزگەرىستەر ەنگىزىلگەن. سونىڭ نەگىزىندە جەرگىلىكتى اكىمدىكتەر اۋىلعا جاقىن جەر القاپتارىن ۇكىمەتتىڭ رەزەرۆىنە الىپ قويىپ، يەلەرىنە قاراجات تولەپ، بوساعان جەردى ەلدى مەكەننىڭ مال باسىنا قاراي جايىلىم رەتىندە پايدالانۋ مۇمكىندىگى بەرىلىپ وتىر.

ول مۇمكىندىكتى پايدالانۋدى اكىمدىكتەر قازىر نەگىزىنەن باستادى. ونىڭ وڭ اسەرى بولادى»، - دەدى ەربول قاراشوكەيەۆ.

سونداي-اق، مينيستر قازىر ەلدەگى قويمالاردا پيازدىڭ 100 مىڭ توننادان استام پياز عانا قالعانىن ايتتى.

«ءبىز 1,1 ميلليون توننا پياز وندىرگەنبىز. وزىمىزدەگى تۇتىنۋ كولەمى 300 توننا عانا. مىسالى، بىلتىر 800 مىڭ توننا پياز وزىمىزگە دە، ەكسپورتتاۋعا دا تولىق جەتكەن. بيىل الەم بويىنشا وتە قيىن جاعداي تۋىنداپ تۇر. نەگىزگى پياز ءوندىرۋشى ەلدەر ءتۇرلى تابيعي سەبەپتەرگە بايلانىستى جىلداعى كولەمدى بەرە المادى. ايتالىق، پاكىستاندا قيىندىقتار بار. ال بۇل ەل پيازدىڭ الەمدىك قويماسى سانالاتىن. ءبىر جەرىندە سۋ تاسقىنى، ءبىر جەرىندە قۋاڭشىلىق بولدى. بۇل ەلدەردە ەكسپورت كولەمى كۇرت قىسقاردى دا، ءبىزدىڭ پيازدى كورشىلەس ەلدەرگە شىعارا باستادى. قازىر قاراپ وتىرمىز، وزىمىزدە پيازدىڭ 100 مىڭ توننادان استام قورى بار. ەرتە پىسەتىن پياز كەلگەنشە، كوكتەمگە دەيىن وسى پيازدى ساقتاۋ كەرەك. وسىعان بايلانىستى ۆەدومستۆوارالىق كوميسسيا پيازدى سىرتقا شىعارۋعا شەكتەۋ قويۋ تۋرالى شەشىم قابىلدادى»، - دەدى ول.


سوڭعى جاڭالىقتار