ازيا چەمپيوناتى: قازاقستاندىق ەكى بوكسشى فينالعا شىقتى

استانا. قازاقپارات - تايلاند استاناسى بانگكوك قالاسىندا 22 جاسقا دەيىنگىلەر اراسىندا بوكستان ءوتىپ جاتقان ازيا چەمپيوناتىندا ەكى قازاقستاندىق سپورتشى فينالعا شىقتى، دەپ حابارلايدى قازاقپارات ءتىلشىسى.

سانجار تاشكەنباي 48 كەلىگە دەيىنگى سالماقتا تايلاندتىق ناتتحاپحونگ تحۋامچارونمەن جۇدىرىقتاستى.

سانجار قارسىلاسىن ەكىنشى راۋندتا نوكداۋنعا جىبەرىپ، ايقىن باسىمدىلىقپەن ۇتتى. تورەشىلەر شەشىمى - 5:0.

تاعى ءبىر قازاقستاندىق نۇرسۇلتان التىنبەك 54 كەلىگە دەيىنگى سالماقتا قىرعىزستاندىق يسلام توروبايەۆپەن رينگكە شىقتى.

قازىلار ءبىراۋىزدان جەڭىستى نۇرسۇلتانعا بەردى.

ن. التىنبەك فينالدا فيليپپيندىك فلينت دجارامەن تالاسادى.

ەسكە سالا كەتەيىك، بۇدان بۇرىن بوكستان ازيا چەمپيوناتىندا ماحمۋد سابىرحاننىڭ قارسىلاسىن نوكاۋتپەن جەڭگەنىن جازعان ەدىك.

سونداي-اق ءۇش قازاقستاندىق جارتىلاي فينالعا شىقتى.

جارتىلاي فينالدا تاعى ءبىر جولداما قولدا.