اۋعانستاننىڭ ستۋدەنت قىزدارىن قازاقستاندا وقىتۋ ماسەلەسى قارالىپ جاتىر

None
استانا. قازاقپارات - اۋعانستاننىڭ ستۋدەنت قىزدارىن قازاقستاندا وقىتۋ ماسەلەسى پىسىقتالىپ جاتىر.

بۇل تۋرالى ەلوردادا وتكەن باسپا ءسوز ءماسليحاتىندا سىرتقى ىستەر مينيسترلىگىنىڭ رەسمي وكىلى ايبەك سمادياروۆ ءمالىم ەتتى، دەپ حابارلايدى قازاقپارات ءتىلشىسى.

بۇگىن اتالعان ۆەدومستۆودا وتكەن باسپا ءسوز ءماسليحاتىندا ەلىمىزدە اۋعانستان ايەلدەرىنىڭ وقۋىنا كۆوتا ءبولۋ ماسەلەسى تۋرالى سۇراق قويىلدى.

«ەۋروپا وداعىنىڭ كومەگىمەن قازاقستاندا بىرنەشە ءجۇز اۋعاننىڭ قىز- كەلىنشەكتەرى وقۋ وقىپ جاتقان بولاتىن. ەندى بەلگىلى جاعدايلاردان كەيىن، ول باعدارلاما ۋاقىتشا توقتاپ قالدى. قازىر سول باعدارلامانى قايتا باستاۋعا ارەكەت جاسالىپ جاتىر»، - دەدى ايبەك سمادياروۆ.

وسى ورايدا ول قانشا قىز-كەلىنشەك وقيتىنىن، قانشا گرانت قايدا بولىنەتىنىن كەيىن حابارلايتىنىن ايتتى.

بۇدان بۇرىن حابارلانعانداي، بىلتىر اۋعانستاندا بيلىكتەگى تاليبان قوزعالىسى اۋعان ايەلدەرىنىڭ بۇدان بىلاي ۋنيۆەرسيتەتتە وقي المايتىنىن مالىمدەدى.


سوڭعى جاڭالىقتار