ءبىر ادام قانشا گەكتار جەر يەمدەنە الادى – ق ر ا ش م

None
استانا. قازاقپارات - قازاقستان ازاماتىنىڭ يەلىگىندە بولۋى مۇمكىن اۋىلشارۋاشىلىق جەردىڭ شەكتى مەرزىمى بەكىتىلدى، دەپ حابارلايدى قازاقپارات ءتىلشىسى.

بۇل تۋرالى ق ر اۋىل شارۋاشىلىعى ءمينيسترىنىڭ ورىنباسارى ءابىلحايىر تامابەك ۆەدومستۆونىڭ كەڭەيتىلگەن القا ماجىلىسىندە ايتتى.

«بيىلعى 11- قاڭتاردا ۇكىمەت جەر پايدالانۋ قۇقىعى ءبىر قولدا بولۋى مۇمكىن اۋىل شارۋاشىلىعى ماقساتىنداعى جەر ۋچاسكەلەرىنىڭ شەكتى (ەڭ جوعارى) مولشەرىن بەكىتۋ تۋرالى قاۋلى جوباسىن ماقۇلدادى.

رەسپۋبليكا بويىنشا ورتا ەسەپپەن، تابيعي- كليماتتىق جاعدايلارعا بايلانىستى شارۋا جانە فەرمەر قوجالىقتارى ءۇشىن اۋىل شارۋاشىلىعى القاپتارىنىڭ شەكتى (ەڭ جوعارى) مولشەرى 35 مىڭ گەكتار، زاڭدى تۇلعالار ءۇشىن - 51 مىڭ گەكتار مولشەرىندە بەلگىلەنگەن. بۇل رەتتە وسى نورما ەنگىزىلگەنگە دەيىن بەرىلگەن جەرلەر بويىنشا ءتيىستى تالداۋ جۇرگىزىلەدى»، - دەدى ۆيتسە- مينيستر.

سونداي- اق، ول جەردى پايدالانۋ مەن قورعاۋعا مەملەكەتتىك باقىلاۋدى جەتىلدىرۋ بويىنشا جۇمىستار جالعاساتىنىن اتادى.

«ول ءۇشىن اكىمشىلىك قۇقىق بۇزۋشىلىق تۋرالى كودەكسكە جەردى پايدالانۋ مەن قورعاۋدى مەملەكەتتىك باقىلاۋدى جۇزەگە اسىراتىن ورگانداردى ايقىنداۋدى، جەردى پايدالانۋ مەن قورعاۋ جونىندەگى باس مەملەكەتتىك ينسپەكتورلار سالاتىن ايىپپۇلداردىڭ شەكتى مولشەرىن ۇلعايتۋدى، سونداي- اق اكىمدىكتەردىڭ لاۋازىمدى ادامدارىنىڭ ساۋدا- ساتتىق پەن كونكۋرستاردى جانە وتكىزبەۋ نەمەسە ۋاقتىلى وتكىزبەۋ جاۋاپكەرشىلىگىن انىقتاۋدى جانە ت. ب. كوزدەيتىن ماسەلەلەر بويىنشا وزگەرىستەر ەنگىزۋ جونىندەگى زاڭ جوباسى ازىرلەندى.

«بيىلعى 18- قاڭتارىندا زاڭ جوباسى پارلامەنت ءماجىلىسىنىڭ ەكىنشى وقىلىمىندا ماقۇلدانىپ، سەناتقا جولداندى»، - دەدى ءابىلحايىر تامابەك.

اۆتور

ەسىمجان ناقتىباي


سوڭعى جاڭالىقتار