قىتاي اي كۇنتىزبەسى بويىنشا جاڭا جىلدى قارسى الادى

بەيجىڭ. قازاقپارات - قىتاي تۇرعىندارى جەكسەنبىگە قاراعان ءتۇنى اي كۇنتىزبەسى - «چۋنجە» (كوكتەم مەرەكەسى) بويىنشا جاڭا جىلدى قارسى الادى.

بيىلعى چۋنجە مەرەكەسى بۇكىل ەل بويىنشا اۋقىمدى تويلانباق، دەپ حابارلايدى قازاقپارات ءتىلشىسى.

ەپيدەمياعا قارسى شارالاردىڭ الىنىپ تاستاۋىنا بايلانىستى تۋريستەر اعىنى مەن قالالار اراسىنداعى جولاۋشىلار كولەمىنىڭ ەداۋىر ۇلعايعانى بايقالادى.

ق ح ر كولىك مينيسترلىگىنىڭ مالىمەتى بويىنشا، قىتاي تۇرعىندارى اي كۇنتىزبەسى بويىنشا جاڭا جىلعا وراي ماۋسىمدىق كوشى- قون كەزەڭىندە 2 ميللياردتان استام ساپار جاسايدى. بۇل پاندەمياعا دەيىنگى 2019 -جىلدىڭ سايكەس كەزەڭىمەن سالىستىرعاندا % 70,3 - عا ارتىق.

الدىن الا بولجامعا سايكەس، جاڭا جىلدىق دەمالىس كەزىندە بۇكىل ەل بويىنشا كاسسالار شامامەن 900 ميلليون دوللارعا جەتەدى. حيلۋڭجياڭ پروۆينتسياسىنداعى (سولتۇستىك قىتاي) تاۋ شاڭعىسى كۋرورتتارىنا بيلەتتەردى برونداۋ جىلدىق ەسەپ بويىنشا % 60 - عا ءوستى جانە بەيجىڭ مەن شاڭحاي سياقتى ءىرى مەگاپوليستەردەگى تانىمال مەيرامحانالاردىڭ بارلىعىندا ۇستەلدەرگە تاپسىرىس بەرىلگەن.

2023 -جىلدىڭ قاڭتار ايىنىڭ العاشقى 10 كۇنىندە قىتايداعى ءىرى بولشەك ساۋدا ورىندارىنداعى بولشەك ساۋدا ءبىر جىلمەن سالىستىرعاندا % 20- عا وسكەن.

فوتو: AP Photo/Joshua Paul

اۆتور

سماعۇلوۆا ەركەجان