ورەسكەل قاتە جىبەرگەن سۋديالار جازادان قۇتىلماۋى ءتيىس – ق ر جوعارعى سوت ءتوراعاسى
جوعارعى سوتتىڭ كەڭەيتىلگەن كەڭەسىندە ۆەدوستۆو باسشىسى اسلامبەك مەرعالييەۆ سوت جۇيەسىن دامىتۋدىڭ جاڭا باسىمدىقتارىن ايقىندادى.
سوت بيلىگىنىڭ كونسەرۆاتيۆتى سيپاتىنا توقتالا كەلە، ول سوڭعى جىلدارى ءبىرقاتار ومىرشەڭ رەفورمالار جۇرگىزىلگەنىن اتاپ ءوتتى. سپيكەر سوت جۇيەسىن جاڭعىرتۋ بويىنشا سۋديالىق كادرلار، سوت تورەلىگىن جۇزەگە اسىرۋ جانە سوت اكىمشىلىگىن دامىتۋ بويىنشا پرەزيدەنت تاپسىرمالارىنىڭ ورىندالۋ بارىسىنا نازار اۋداردى.
ا. مەرعاليەۆتىڭ پىكىرىنشە، رەفورمالار جان- جاقتى ويلاستىرىلىپ جۇرگىزىلگەندە عانا ازاماتتار مەن كاسىپكەرلەردىڭ ماسەلەلەرىن شەشەدى. سوت تورەلىگىنىڭ ساپاسىن ارتتىرۋ ماقساتىندا كەلەسى شەشىمدەر قابىلداندى:
- سوت پروتسەستەرىن، اسىرەسە، جابىق ىستەر بويىنشا، كامەلەتكە تولماعانداردىڭ قۇقىقتارىنا قاتىستى، مەملەكەتتىك ورگاندار وكىلدەرىنىڭ قاتىسۋىمەن بولاتىن جانە ت. ب. وتىرىستاردى وفلاين فورماتتا وتكىزۋ؛
- سوت پراكتيكاسىن قورىتۋمەن بايلانىستى قۇجاتتاردى ازىرلەۋدى جانداندىرۋ جانە جوعارعى سوتتىڭ نورماتيۆتىك قاۋلىلارىن وزەكتەندىرۋ؛
- ورەسكەل قاتە جىبەرگەن سۋديالاردىڭ جازادان قۇتىلماۋىن قامتامسىز ەتۋ.
- سۋديالاردىڭ ەڭبەكاقى جۇيەسىن تەڭەستىرۋ.
