ۇكىمەتتە مۇناي- گاز سالاسىنىڭ كەيبىر وبەكتىلەرىن مەملەكەت مەنشىگىنە قايتارۋ ماسەلەسى قارالدى

None
استانا. قازاقپارات - ق ر پرەمەر- ءمينيسترى ءاليحان سمايىلوۆ قازاقستان ەكونوميكاسىن دەمونوپوليزاتسيالاۋ جونىندەگى كوميستسيانىڭ كەزەكتى وتىرىسىن وتكىزدى. بۇل تۋرالى قازاقپارات ۇكىمەتكە سىلتەمە جاساپ حابارلايدى.

قاتىسۋشىلار تەمىرجول تاسىمالىندا وندىرىستىك پروتسەستىڭ اجىراماس بولىگى بولىپ تابىلاتىن كەيبىر اكتيۆتەردى مەملەكەت مەنشىگىنە قايتارۋ شارالارىن تالقىلادى.

پرەمەر- مينيستر مۇددەلى مەملەكەتتىك ورگاندارعا وسى باعىتتاعى بەلسەندى جۇمىستى جالعاستىرۋدى تاپسىردى.

وتىرىس بارىسىندا ءبىرقاتار جەكە كومپانيالاردىڭ مەنشىك يەلەرىنەن 145 كىرمە تەمىرجولىن رەسپۋبليكا مەنشىگىنە بەرۋ تۋرالى ۇسىنىستار كەلىپ تۇسكەنى ايتىلدى.

ۇكىمەت باسشىسى وسى شارالاردى ىسكە اسىرۋ ءۇشىن بارلىق قاجەتتى راسىمدەردى جۇرگىزۋدى تاپسىردى.

سونىمەن قاتار كوميستسيا مۇشەلەرى مۇناي- گاز سالاسىنىڭ كەيبىر ينفراقۇرىلىمدىق وبەكتىلەرىن مەملەكەت مەنشىگىنە قايتارۋ جونىندەگى جۇمىستىڭ بارىسىن قارادى.

وتىرىستى قورىتىندىلاي كەلە، ءاليحان سمايىلوۆ جاقىن ارادا ناقتى ناتيجەلەرگە قول جەتكىزۋ ءۇشىن قارالعان بارلىق ماسەلەلەر بويىنشا راسىمدەردى جەدەلدەتۋدى تاپسىردى.

سوڭعى جاڭالىقتار