قىتاي وندىرىستىك سەكتورداعى روبوتتار سانىن ارتتىرادى

None
بەيجىڭ. قازاقپارات - قىتاي بيلىگى 2025-جىلعا قاراي وڭدەۋ ونەركاسىبىندەگى روبوتتار سانىن 2020-جىلمەن سالىستىرعاندا ەكى ەسە ۇلعايتۋعا تىرىسادى، دەلىنگەن قىتاي حالىق رەسپۋبليكاسىنىڭ يندۋستريا جانە اقپاراتتاندىرۋ مينيسترلىگى مەن باسقا 16 ۆەدومستۆوسى بىرلەسىپ جاريالاعان قۇجاتتا.

بۇل تۋرالى قازاقپارات شينحۋا اگەنتتىگىنە سىلتەمە جاساپ حابارلايدى.

«روبوتوتەحنيكا+ ەنگىزۋ جانە ىسكە اسىرۋ جوسپارى» دەپ اتالاتىن قۇجات اۆتوماتتاندىرىلعان مەحانيزمدەردى قولدانۋدى كەڭەيتۋگە باعىتتالعان.

«2025-جىلعا قاراي جوعارىدا اتالعان سالادا قىزمەت ەتەتىن ارنايى روبوتتاردى قولدانۋ جان-جاقتى ارتادى جانە ەلدىڭ روبوتوتەحنيكا سالاسىنىڭ جوعارى ساپالى الەۋمەتتىك-ەكونوميكالىق دامۋعا ىقپال ەتۋ قابىلەتى ايتارلىقتاي نىعايادى»، - دەلىنگەن قۇجاتتا.

جوسپار سونىمەن قاتار روبوتتاردى 10 نەگىزگى سالادا قولدانۋ جانە روبوتوتەحنيكا سالاسىنداعى 100 دەن استام يننوۆاتسيالىق قولدانبالى تەحنولوگيادا جەتىستىككە جەتۋدى كوزدەپ وتىر.

بۇدان باسقا، قۇجاتتا روبوتتاردى ءوندىرۋ مەن پايدالانۋدىڭ كەلىسىلگەن يننوۆاتسيالىق جۇيەسىن قۇرۋعا كۇش سالۋ، سونداي-اق ولاردى پايدالانۋ ستاندارتتارىن ازىرلەۋ مەن ىلگەرىلەتۋدى جەدەلدەتۋ ۇسىنىلدى.

ءوندىرىس سالاسىنداعى 10 مىڭ جۇمىسشى سانىمەن ولشەنەتىن روبوتتاردىڭ تىعىزدىعى وندىرىستەگى ينتەللەكت دەڭگەيىن انىقتاۋدىڭ نەگىزگى كورسەتكىشى بولىپ تابىلادى.

سوڭعى جاڭالىقتار