دانيار ەلەۋسىنوۆ ا ق ش- تا قايتادان جاتتىعا باستادى
بوكسشى ءوزىنىڭ Instagram پاراقشاسىندا ماياميدەگى (فلوريدا شتاتى) جاتتىعۋ زالىندا اۋىر قاپتى سوعىپ جاتقان ۆيدەوسىن جاريالادى. «قازاق نايزاعايى» وتكەن جىلدىڭ سوڭىنان بەرى ا ق ش- تا ءجۇر.
دانيار ەلەۋسىنوۆ ءوزىنىڭ سوڭعى جەكپە-جەگىن 2021-جىلدىڭ جەلتوقسان ايىندا استانادا وتكىزگەن. وندا تورەشىلەردىڭ ءبىراۋىزدان قابىلداعان شەشىمىمەن ول ارگەنتينالىق حۋان ەرنان لەالدى (15-3، 4 ك و) جەڭىپ، IBO تۇجىرىمى بويىنشا جارتىلاي ورتا سالماقتاعى الەم چەمپيونى اتاعىن جەڭىپ الدى.
الايدا، وتكەن جىلدىڭ اياعىندا سپورتشىنىڭ حالىقارالىق بوكس ۇيىمى (IBO) نۇسقاسى بويىنشا جارتىلاي ورتا سالماقتاعى الەم چەمپيونى اتاعىنان ايرىلعانى جاريا بولدى. بۇل بوكسشىنىڭ جەكپە-جەكتەرى اراسىنداعى ۋاقىت ۇزاقتىعىمەن بايلانىستى بولۋى مۇمكىن. IBO ەرەجەسى بويىنشا اۋىر سالماقتى قوسپاعاندا، ءاربىر سالماق ساناتىنداعى الەم چەمپيوندارى توعىز ايدا ءبىر رەت (اۋىر سالماقتاعىلار ءۇشىن بۇل كەزەڭ - ءبىر جىل) دارەجەسىن قورعاۋدى تالاپ ەتەدى. ەرەجەنى بۇزۋعا تەك مەديتسينالىق سەبەپ بويىنشا جانە/نەمەسە IBO- نىڭ شەشىمىمەن عانا رۇقسات بەرىلەدى.
بۇل رەتتە دانيار ەلەۋسىنوۆ مانسابىنا مەنەدجەرلەر كەدەرگى كەلتىردى دەپ سانايدى.
