ارىستانبەك مۇحامەدي ۇلىن قاماۋدا ۇستاۋ مەرزىمى قايتا ۇزارتىلدى
«17- قاڭتاردا استانا قالاسىنىڭ مامانداندىرىلعان اۋدانارالىق تەرگەۋ سوتى كۇدىكتى ا. مۇحامەدي ۇلىنا قاتىستى قاماۋدا ۇستاۋ شاراسىنىڭ مەرزىمىن ءبىر ايعا ۇزارتتى»، - دەلىنگەن ەلوردا سوتىنىڭ حابارلاماسىندا.
ەسكە سالايىق، بىلتىر 29- مامىردا ارىستانبەك مۇحامەدي ۇلى بيۋجەت قاراجاتىن جىمقىردى دەگەن كۇدىكپەن قاماۋعا الىندى.
انكيتور ۇلتتىق مۋزەيدىڭ بۇرىنعى باسشىسىنا «التىن ادامنىڭ الەم مۋزەيلەرىنە شەرۋى» حالىقارالىق كورمەسىن وتكىزۋ جونىندەگى مەملەكەتتىك ساتىپ الۋ تۋرالى شارت اياسىندا 146 ميلليون تەڭگە سوماسىندا بيۋجەت قاراجاتىن جىمقىردى دەگەن ايىپ تاقتى.
كەيىن ەلىمىزدىڭ ىشكى ىستەر مينيسترلىگى ارىستانبەك مۇحامەدي ۇلىنىڭ «سۋيتسيد ارەكەتىنە» قاتىستى تۇسىنىكتەمە بەردى.
ايتا كەتسەك، ۇلتتىق مۋزەيدىڭ بۇرىنعى باسشىسى ارىستانبەك مۇحامەدي ۇلىن قاماۋدا ۇستاۋ مەرزىمى وسىعان دەيىن دە بىرنەشە رەت ۇزارتىلىپ كەلدى.
