گرانتپەن ءبىلىم العان تۇلەكتەر اۋداندارداعى لاۋازىمدارعا كونكۋرسسىز تاعايىندالادى

None
استانا. قازاقپارات - بيىلدان باستاپ مەملەكەتتىك گرانتپەن جوعارى وقۋ ورنىن اياقتاعان تۇلەكتەر اۋداندارداعى تومەنگى لاۋازىمعا كونكۋرستان وتپەي تاعايىندالادى.

بۇل تۋرالى مەملەكەتتىك قىزمەت ىستەرى اگەنتتىگىنىڭ ءتوراعاسى دارحان جازىقبايەۆ ايتتى، دەپ حابارلايدى قازاقپارات ءتىلشىسى

«مەملەكەت باسشىسى مەملەكەتتىك قىزمەتكە كىرۋدە ارتىق كەدەرگىلەردى جويۋ جانە مەملەكەتتىك قىزمەتتەن شىعۋ ءتارتىبىن جەڭىلدەتۋدى تاپسىرعان بولاتىن. وسىعان بايلانىستى زاڭعا وزگەرىستەر ەنگىزىلدى. بىرىنشىدەن، مەملەكەتتىك گرانتپەن وقۋ ورىندارىن اياقتاعان تۇلەكتەرىمىز اۋدان مەن اۋىلدا تومەنگى لاۋازىمدارعا كونكۋرستىق ىرىكتەۋسىز تىكەلەي تاعايىندالاتىن بولادى»، - دەدى ول اگەنتتىكتىڭ كەڭەيتىلگەن القا وتىرىسىندا.

ونىڭ اتاپ وتۋىنشە، بۇل بىلىكتى جاستاردى مەملەكەتتىك قىزمەتكە ىنتالاندىرۋعا، جاس مامانداردىڭ اۋدان مەن اۋىلدىق ايماقتارعا ورالۋىنا، سونىمەن قاتار وڭىرلەردەگى كادر تاپشىلىعىن ازايتۋعا سەپتىگىن تيگىزىپ، مەملەكەتتىك قىزمەتكە كىرۋدى جەڭىلدەتەدى.

«بۇل زاڭ قابىلداندى. بيىل بىتىرەتىن تۇلەكتەرىمىز وسى قاعيدامەن جۇمىسقا ورنالاسادى»، - دەدى دارحان جازىقبايەۆ.

اۆتور

مارلان جيەمباي

سوڭعى جاڭالىقتار