پرەزيدەنتتىك جاستار كادرلىق رەزەرۆىنە ىرىكتەۋ جۇرگىزىلەدى

None
استانا. قازاقپارات - بيىل پرەزيدەنتتىك جاستار كادر رەزەرۆىنە كەزەكتى ىرىكتەۋ جۇرگىزىلەدى. بۇل تۋرالى مەملەكەتتىك قىزمەت ىستەرى اگەنتتىگىنىڭ ءتوراعاسى دارحان جازىقبايەۆ ايتتى، دەپ حابارلايدى قازاقپارات ءتىلشىسى.

«بيىل پرەزيدەنتتىك جاستار كادر رەزەرۆىنە كەزەكتى ىرىكتەۋ جۇرگىزەمىز. رەزەرۆشىلەردى جۇمىسقا ورنالاستىرۋ بارىسىندا ءتۇرلى قيىندىقتارمەن بەتپە-بەت كەلەتىندىگىمىزدى مويىنداۋ قاجەت. كەيبىر مەملەكەتتىك ورگاندارعا 10 رەزەرۆشى تاعايىندالسا، ەندى ءبىر ورگاندا بىردە-ءبىر رەزەرۆشى تاعايىندالماعان. الەۋمەتتىك ماڭىزى بار دەنساۋلىق ساقتاۋ، ەنەرگەتيكا، ءبىلىم بەرۋ سىندى سالالارداعى رەزەرۆشىلەردىڭ سانى تىم از»، - دەدى دارحان جازىقبايەۆ ەلوردادا وتكەن بريفينگ بارىسىندا.

ونىڭ اتاپ وتۋىنشە، وسىعان بايلانىستى كادر رەزەرۆىن ىرىكتەۋ بارىسىندا سالالىق توپتار ناقتى جىكتەلەدى. كانديداتتارمەن اڭگىمەلەسۋ سالالىق مەملەكەتتىك ورگانداردىڭ وكىلدەرىنىڭ جانە مامانداردىڭ قاتىسۋى مىندەتتى بولادى.


سوڭعى جاڭالىقتار