تابىسى وسكەن بورىشكەر يپوتەكا شارتىنان قوسالقى زايمشىنى قالاي شىعارا الادى

«بانكتىڭ ىشكى ەرەجەلەرىنە سايكەس قوسالقى زايمشىنى شارتتان الىپ تاستاي الاسىز. قارىز الۋشىنىڭ قارىزعا دەربەس قىزمەت كورسەتۋ مۇمكىندىگى بولعان كەزدە قوسالقى زايمشىنى الىپ تاستاۋعا جول بەرىلەدى.

قوسالقى زايمشىنى شارتتان الىپ تاستاۋ ءۇشىن وڭ وتەۋ ءتارتىبى فاكتىسى جانە ساقتاندىرۋ شارتىنىڭ وزەكتىلىگى تەكسەرىلەدى. قارىز الۋشىنىڭ، قوسالقى زايمشىنىڭ تولەم قابىلەتتىلىگىنە تالداۋ جۇرگىزىلەدى (تاعى بىرەۋى بولعان جاعدايدا). قارىز الۋشىنىڭ، قوسالقى قارىز الۋشىنىڭ تولەم قابىلەتتىلىگىن تالداۋ (تاعى بىرەۋى بولعان كەزدە) كىرىستەر مەن شىعىستار جونىندەگى قۇجاتتاردىڭ، ءبىرىنشى كرەديتتىك بيۋرونىڭ ەسەبىنىڭ دەرەكتەرى (ب ك ب- دان كرەديتتىك تاريح تۋرالى انىقتاما) نەگىزىندە جۇرگىزىلەدى. تابىستار جونىندەگى قۇجات رەتىندە جالاقى تۋرالى انىقتاما جانە ءوتىنىش بەرگەن كەزدەگى سوڭعى قاتارىنان 7-13 ايدان كەم ەمەس كەزەڭ ءۇشىن زەينەتاقى اۋدارىمدارى تۋرالى ءۇزىندى قابىلدانادى. قارىز الۋشىنىڭ تولەم قابىلەتتىلىگىن ەسەپتەۋ بانك بولىمشەسىندە جۇزەگە اسىرىلادى. قوسالقى زايمشىنى شارتتان شىعارۋ تۋرالى ءوتىنىشتى قاراۋ كۇنتىزبەلىك 15 (ون بەس) كۇن ىشىندە جۇزەگە اسىرىلادى»، - دەلىنگەن جاۋاپتا.

ونىڭ ايتۋىنا قاراعاندا، قوسالقى قارىز الۋشىنى الىپ تاستاعانى ءۇشىن كوميسسيا بەرەشەك قالدىعىنىڭ %1 مولشەرىندە الىنادى.

قوسالقى قارىز الۋشىنى شىعارۋ تۋرالى ءوتىنىش جۇمىس كۇندەرى ساعات 09.00 دەن 16.00 گە دەيىن بانك فيليالىنىڭ پوستكرەديتتىك بولىمىندە قابىلدانادى. ول ءۇشىن مىنا قۇجاتتار كەرەك:

1. قارىز الۋشىنىڭ جانە قارىز الۋشىنىڭ جۇبايىنىڭ (زايىبىنىڭ) جەكە باسىن كۋالاندىراتىن قۇجات؛

2. نەكەگە تۇرۋ/بۇزۋ تۋرالى كۋالىك (بار بولسا)؛

3. كۋالىك/قايتىس بولۋ تۋرالى كۋالىك (بار بولسا)

4. بالالاردىڭ تۋۋ تۋرالى كۋالىگى (بار بولسا)؛

5. جۇمىس ورنىنان بارلىق ۇستاپ قالۋلار كورسەتىلگەن، تابىس كوزىن انىقتايتىن جالاقى تۋرالى انىقتاما (سوڭعى 7-13 اي ءۇشىن)

6. EGOV- تان قارىز الۋشى مەن جۇبايىنىڭ (زايىبىنىڭ) زەينەتاقى اۋدارىمدارى تۋرالى سوڭعى 6 نەمەسە 12 ايداعى ءۇزىندى-كوشىرمە.