ءماجىلىس سايلاۋى ساياسي جۇيەنى تۇبەگەيلى قايتا جانداندىرادى - ساراپشى

وسىعان وراي قازاقپارات ءتىلشىسى الداعى ساياسي ناۋقاننىڭ ەرەكشەلىگى مەن ارتىقشىلىعى تۋرالى ق ر پرەزيدەنتى جانىنداعى قازاقستاننىڭ ستراتەگيالىق زەرتتەۋلەر ينستيتۋتىنىڭ باس ساراپشىسى الىشەر تاستەنوۆتىڭ پىكىرىن بىلگەن ەدى.

«ءماجىلىس پەن ءماسليحاتتار دەپۋتاتتارىن سايلاۋ - ساياسي جۇيەنى تۇبەگەيلى قايتا جانداندىرىپ، مەملەكەتتىك باسقارۋدىڭ جاڭا فورماسىنا الىپ كەلەدى. قايتا جاڭارۋ ساياسي جانە ەكونوميكالىق سىن- قاتەرلەرگە ءتوزىمدى توتەپ بەرەتىن ساياسي مودەل قالىپتاستىرۋعا باعىتتالعان. وسىلايشا «كۇشتى پرەزيدەنت - ىقپالدى پارلامەنت - ەسەپ بەرەتىن ۇكىمەت» فورمۋلاسىنا قول جەتكىزىلەدى. الداعى سايلاۋدىڭ ەرەكشەلىگى - جاڭا ءارى ساپالى جاعدايدا وتەتىندىگى. ەندى ءماجىلىس دەپۋتاتتارىنىڭ %70 ى پارتيالىق ءتىزىم بويىنشا، %30 ى ءبىر مانداتتى وكرۋگتەر ارقىلى سايلانادى»، - دەدى الىشەر تاستەنوۆ.

ساراپشى كەلتىرگەن دايەككە سايكەس، پارتيالاردىڭ ماجىلىسكە ءوتۋىنىڭ شەكتى كەدەرگىسى 7 دەن %5 عا دەيىن تومەندەتىلدى. سونىمەن قاتار ساياسي پارتيالاردى تىركەۋ ءراسىمى ايتارلىقتاي جەڭىلدەتىلدى.

«ياعني ساياسي پارتيا مۇشەلەرى سانىنا قويىلاتىن تالاپ جەڭىلدەپ، 4 ەسە 20 دان 5 مىڭ مۇشەگە دەيىن تومەندەتىلدى. پارتيالاردىڭ وڭىرلىك وكىلدىكتەرىنىڭ سانى دا 600 دەن 200 ادامعا دەيىن قىسقارتىلدى. وبلىستار مەن رەسپۋبليكالىق ماڭىزى بار قالالاردىڭ ءماسليحاتتار دەپۋتاتتارىن سايلاۋ ارالاس جۇيەمەن وتەدى. ياعني 50/50 فورماتىندا. بۇل رەتتە اۋداندار مەن وبلىستىق ماڭىزى بار قالالاردا ءماسليحات كانديداتتارىنا قازاقستاندىقتار ءبىر مانداتتى وكرۋگتەر بويىنشا داۋىس بەرە الادى»، - دەيدى ول.

ونىڭ ايتۋىنشا، جاڭا ساياسي جاعداي بيلىك ورگاندارىنىڭ قوعام پىكىرى، كوزقاراسى مەن سۇرانىسىنا قۇلاق اسۋدى قامتاماسىز ەتىپ، ازاماتتىق قوعامنىڭ ءتيىمدى دامۋىنا ىقپال ەتەدى.

ايتا كەتسەك، كەشە مەملەكەت باسشىسى جەتىنشى سايلانعان ق ر پارلامەنتىنىڭ ءماجىلىسىن تاراتۋ جانە قر پارلامەنتى ءماجىلىسى دەپۋتاتتارىنىڭ كەزەكتەن تىس سايلاۋىن تاعايىنداۋ تۋرالى جارلىققا قول قويدى.

ءماجىلىس دەپۋتاتتارىن كەزەكتەن تىس سايلاۋ 19-ناۋرىزعا بەلگىلەندى.

ودان بولەك، مەملەكەت باسشىسى بارلىق دەڭگەيدەگى ءماسليحاتتاردىڭ وكىلەتتىگىن توقتاتۋ تۋرالى جارلىققا قول قويدى. مەملەكەت باسشىسى قاسىم-جومارت توقايەۆ پارلامەنت ءماجىلىسى جانە ءماسليحات دەپۋتاتتارىنىڭ كەزەكتەن تىس سايلاۋىن تاعايىنداۋ تۋرالى مالىمدەمە جاسادى.