09:24, 20 - قاڭتار 2023 | GMT +6
مەملەكەت باسشىسى جۋرناليستەرگە قارسى باعىتتالعان قىلمىستاردى مۇقيات تەرگەۋدى تاپسىردى
استانا. قازاقپارات - مەملەكەت باسشىسى قاسىم- جومارت توقايەۆ جۋرناليستەرگە قارسى باعىتتالعان ءبىرقاتار قىلمىس بويىنشا تەرگەۋدى مۇقيات جۇرگىزۋدى جۇكتەدى.
بۇل تۋرالى پرەزيدەنت اكىمشىلىگى باسشىسىنىڭ ورىنباسارى - پرەزيدەنتتىڭ باسپا ءسوز حاتشىسى رۋسلان جەلدىباي Facebook-تە جازدى.
«پرەزيدەنت قۇقىق قورعاۋ ورگاندارىنا جۋرناليستەرگە قارسى باعىتتالعان ءبىرقاتار قىلمىس بويىنشا مۇقيات تەرگەۋ جۇرگىزۋدى تاپسىردى.
قوعامدىق قاۋىپسىزدىك پەن مەملەكەتتىڭ بەدەلىنە نۇقسان كەلتىرۋ ءۇشىن جاسالعان بۇل زاڭسىز ارەكەتتەردىڭ ورىنداۋشىلارى عانا ەمەس، تاپسىرىس بەرۋشىلەرى دە انىقتالۋعا ءتيىس»، - دەپ جازدى ر. جەلدىباي.
