شىعىس ازيا ەلدەرى كوكتەم مەرەكەسىن تويلايدى

None
استانا. قازاقپارات- جاقىندا شىعىس ازيا ەلدەرى اي كۇنتىزبەسى بويىنشا جاڭا جىل مەرەكەسىن تويلايدى، دەپ حابارلايدى «حابار 24».

بيىلعى كوكتەم فەستيۆالى 21-22-قاڭتارعا بەلگىلەندى. وتباسىلىق مەرەكە بولعان سوڭ، 100 ميلليونعا جۋىق قىتايلىق تۋعان جەرىنە ورالىپ، مەيرامدى اتاپ وتەدى. بۇل - 2019 -جىلى اشىلىپ، جارتى جىل عانا جۇمىس ىستەگەن بەيجىڭدەگى داسين اۋەجايى. كوروناۆيرۋستىڭ تارالۋىنا بايلانىستى اۋەجاي ءوز قىزمەتىن از ۋاقىتتا توقتاتقان ەدى. ەندى، مىنە، اراعا 3 جىل سالىپ، قايتا اشىلدى. جولاۋشىلار اۋە ايلاعى وسىلايشا سىرتقى الەممەن بايلانىستى جاڭارتتى.

چجاي پەنفەي، Сhina Southern بەيجىڭ كەڭسەسى وپەراتسيالىق دەپارتامەنتى باسشىسىنىڭ ورىنباسارى:

- ءبىزدىڭ اۆياكومپانيا گونكونگقا داسين اۋەجايىنان رەيستەردى قايتا باستادى. سونداي- اق امستەردام مەن ىستامبۇلعا ۇشاتىن رەيستەر قايتا جاندانباق. شامامەن جازدىڭ سوڭى نەمەسە كۇزدىڭ باسىندا اۋەجاي تولىق رەجيمدە جۇمىس ىستەيدى.

قىتاي شەكارالارىنىڭ اشىلۋى الەمدەگى حالىقتىڭ كوشى- قونى ءورشىپ تۇرعان ساتكە ءدال كەلدى. سونىمەن قاتار، بۇل - كوكتەم مەرەكەسى، ياعني، ميلليونداعان قىتايلىقتىڭ تۋعان جەرىنە ساپار شەگەتىن كەزەڭى. جاڭا جىلدىق دەمالىس كۇندەرى 1 اپتاعا سوزىلادى. الايدا ازاماتتار دەمالىسقا شىعىپ، مەرەكەگە دەيىن جانە ودان كەيىن دە ساياحاتتاۋدى ادەتكە اينالدىرعان. بيىل 22- قاڭتاردان 15- اقپانعا دەيىن 100 ميلليون تۇرعىن ساپارعا شىعادى دەپ كۇتىلۋدە. ولاردىڭ قاتارىندا اعايىن- تۋىسىن قاتارىنان 3 جىل كورمەگەندەر دە بار.

ا باو، بەيجىڭ قالاسىنىڭ تۇرعىنى:

- سوڭعى جىلدارى پاندەمياعا بايلانىستى تۋعان ۇيىمە بارا المادىم. بيىل تۋعان قالامنىڭ قانشالىقتى وزگەرگەنىن كورۋ جانە دوستارىممەن، تۋىستارىممەن كەزدەسىپ، جاڭا جىلدى وتباسىممەن قارسى الۋ مەن ءۇشىن ۇلكەن باقىت.

جەرگىلىكتى بيلىكتىڭ ايتۋىنشا، 7- قاڭتاردان باستاپ تۇرعىندار ەل بويىنشا 400 ميلليوننان استام ساپار جاسادى. وتكەن جىلمەن سالىستىرعاندا كورسەتكىش % 40- كە ءوستى. ال، حالىقارالىق اۋە قاتىناسىنداعى وزگەرىس % 6 دەڭگەيىندە عانا قالىپ وتىر.

سوڭعى جاڭالىقتار