21:10, 19 - قاڭتار 2023 | GMT +6
مەملەكەت باسشىسى پارلامەنت ءماجىلىسىنىڭ جەتىنشى شاقىرىلىم دەپۋتاتتارىنا العىس ايتتى
استانا. قازاقپارات - مەملەكەت باسشىسى بۇگىن تاراتىلعان پارلامەنت ءماجىلىسىنىڭ جەتىنشى شاقىرىلىم دەپۋتاتتارىنا تابىستى جۇمىسى ءۇشىن العىس ايتتى، دەپ حابارلايدى قازاقپارات.
«پارلامەنت ءماجىلىسىنىڭ جەتىنشى شاقىرىلىم دەپۋتاتتارىنا ادىلەتتى قازاقستاندى قۇرۋ باعىتىن زاڭنامالىق تۇرعىدا قامتاماسىز ەتىپ، ەلىمىزدىڭ وزەكتى الەۋمەتتىك-ەكونوميكالىق ماسەلەلەرىن شەشكەن، ساياسي جانە ەكونوميكالىق رەفورمالاردى جۇرگىزۋگە بەلسەندى اتسالىسقان، قوعامداعى تۇراقتىلىق پەن زاڭ ۇستەمدىگىن قامتاماسىز ەتكەن تابىستى جۇمىسى ءۇشىن العىس ايتامىن.
ءماجىلىس دەپۋتاتتارى جوعارى كاسىبيلىكتىڭ، ازاماتتاردىڭ الدىندا جاۋاپكەرشىلىك جانە شىنايى پاتريوتيزمنىڭ ۇلگىسىن كورسەتتى» دەلىنگەن مەملەكەت باسشىسىنىڭ Instagram-داعى پاراقشاسىندا.
